సిబిఐ కస్టడీకి సత్యం రాజులు

హైదరాబాద్‌: 'సత్యం' కంప్యూటర్స్ కుంభకోణంలో అరెస్టయిన రామలింగ రాజు, రామరాజు సో దరులకు నాంపల్లి కోర్టు వారం రోజుల సిబిఐ కస్టడీ విధించింది. ఇప్పటి వరకూ జ్యుడీ షియల్‌ రిమాండ్‌లో ఉన్న సత్యం సోదరులను తమ కస్టడీకి అప్పగించాలని సిబిఐ దాఖలు చేసిన పిటిషన్‌ను విచారించిన నాంపల్లి కోర్టు ఈ మేరకు నిర్ణయం తీసుకున్నది.

కొన్నివేల కోట్ల రూపాయల సత్యం కంప్యూటర్స్ కుంభకోణంలో ప్రస్తుత ముఖ్యమంత్రికి, గత ముఖ్యమంత్రి చంద్రబాబు నాయుడికి సంబంధం ఉన్నట్టు ఆరోపణలు ఉన్నాయి. తాను ఇందులో లేనని చెప్పడానికి ముఖ్యమంత్రి వైఎస్ రాజశేఖరరెడ్డి సిబిఐ దర్యాప్తు కోసం కేంద్రానికి లేఖ రాశారు. అయితే ఆయన ఆలస్యంగా ఆ లేఖ రాశారని, అప్పటికే సాక్ష్యాధారాలు భూస్ధాపితమయ్యాయని విమర్శలు వస్తున్నాయి.