వరుణ్ గాంధీకే బిజెపి వత్తాసు

న్యూఢిల్లీ: పిలిభిత్‌ నియోజకవర్గంలో వరుణ్‌ గాంధీయే తమ అభ్యర్థని భాజపా స్పష్టం చేసింది. వరుణ్‌ ప్రసంగాల క్యాసెట్‌ను సరిగా చూడకుండానే ఈసీ నిర్ణయం తీసుకుందని, పార్టీలు ఎవరిని అభ్యర్థులుగా నిలబెట్టాలే చెప్పే హక్కు ఈసీకి లేదని భాజపా నేత బల్బీర్‌పుంజ్‌ అన్నారు.

ఈసీ అధికారి నవీన్‌ చావ్లా కాంగ్రెస్‌ పక్షపాతి అని అందుకే మేనకాగాంధీ అంటే ఇష్టంలేని సోనియా కుటుంబం వేస్తున్న ఎత్తులకు అనుగుణంగా ఈ నిర్ణయం తీసుకున్నారని ఆరోపించారు. క్రిమినల్‌ కేసులున్న సంజయ్‌ దత్‌, జగదీశ్‌ టైట్లర్‌, సజ్జన్‌ కుమార్‌ తదితరులకు టిక్కెట్లు ఇవ్వవద్దని ఆయా పార్టీలకు చెప్పలేని ఈసీ తమకు ఎలా చెబుతోందని ఆయన ప్రశ్నించారు.