హరీష్‌ పై కేసుకు ఈసీ ఆదేశం

హైదరాబాద్‌: సిద్దిపేట తెలంగాణ రాష్ట్ర సమితి (తెరాస) అభ్యర్థి హరీష్‌ రావుపై కేసు నమోదుకు రాష్ట్ర ఎన్నికల ప్రధానాధికారి ఐవి సుబ్బారావు ఆదేశించారు. రాష్ట్రంలో తొలిదశ పోలింగ్‌ సరళిని ఆయన గురువారం సమీక్షించారు. ఈ సందర్భంగా హరీష్ రావుపై కేసు నమోదు చేయాలని ఆయన ఆదేశించారు. నిబంధనలకు విరుద్ధంగా హరీష్‌రావు ఓ ప్రైవేటు ఛానల్‌కు ఇంటర్వ్యూ ఇచ్చారు. హరీష్ రావు ఇంటర్వ్యాను ప్రసారం చేసిన ఛానల్‌పైన కూడా కేసు నమోదు చేయాలని ఆయన ఆదేశించారు.