సిటీలో స్వైన్ ఫ్లూ బాధితుడు
హైదరాబాద్: హైదరాబాదులో స్వైన్ ఫ్లూ బాధితుడు ఉన్నట్లు ప్రచారం జరుగుతోంది. టెక్సాస్ నుంచి ఆ స్వైన్ ఫ్లూ బాధితుడు నగరానికి చేరుకున్నట్లు ఒక తెలుగు ప్రైవేట్ టీవీ చానెల్ వార్తా కథనాన్ని ప్రసారం చేయడంతో హైదరాబాదులో కలకలం మొదలైంది. ఆ వార్తాకథనం ప్రకారం-టెక్సాస్ నుంచి వచ్చిన వ్యక్తి స్వైన్ ఫ్లూ వ్యాధితో బాధపడుతున్నట్లు వైద్యులు నిర్ధారించారు. అయితే అతని పేరు వెల్లడించడానికి వైద్యులు నిరాకరిస్తున్నారు.
స్వైన్ ఫ్లూ వ్యాధితో బాధపడుతున్న మరి కొందరు కూడా నగరానికి చేరుకున్నట్లు అనుమానిస్తున్నారు. గత పది రోజులుగా హైదరాబాదు చేరుకున్న విదేశీయుల వివరాలను అధికార వర్గాలు సిద్ధం చేస్తున్నాయి. విదేశాల నుంచి వచ్చిన వారందరికీ వైద్య పరీక్షలు తప్పని సరి అని ఆ వర్గాలంటున్నాయి. స్వైన్ ఫ్లూ వ్యాధి ప్రపంచాన్ని గజగజ వణికిస్తున్న విషయం తెలిసిందే.
Comments
Story first published: Thursday, April 30, 2009, 10:07 [IST]