వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

పాలకొల్లులో చిరుపై కోట్ల పందాలు

By Staff
|
Google Oneindia TeluguNews

Allu Aravind
పాలకొల్లు: ప్రజారాజ్యం అధినేత చిరంజీవి పోటీ చేస్తున్న పాలకొల్లు స్థానం ఫలితంపై పందాలు జోరందుకున్నాయి. చిరు జయాపజయాలపై పందాలరాయుళ్లు ఏకంగా రూ. 50 కోట్ల వరకు పణంగా పెట్టారు. జిల్లా నుంచే కాక రాష్ట్రవ్యాప్తంగా పెద్దఎత్తున పందాలరాయుళ్లు పాలకొల్లుపై దృష్టి సారించారు. ఇక్కడ గెలుపుపై ప్రరాపా ధీమాగానే ఉన్నా ప్రధాన ప్రత్యర్థులు తెలుగుదేశం, కాంగ్రెస్‌ కూడా గట్టి నమ్మకంగానే ఉన్నాయి. చిరు ఓటమి ఖాయమని ఆ రెండు పార్టీలు బహిరంగంగానే వ్యాఖ్యానిస్తున్నారు. కొన్ని పందాలయితే కోసు పద్ధతిలో సాగుతున్నాయి. డబ్బుతోపాటు బంగారు వస్తువులు, స్థిరాస్థులు సైతం పణంగా పెడుతున్నారు. ఒక్క పాలకొల్లులోనే చిరంజీవి జయాపజయాలపై కోసు పందాలు రూ. 20 కోట్లకు పైగా జరిగాయి. పాలకొల్లులో చిరంజీవి జయాపజయాలపై పందాలు కాస్తున్న తీరుపై ఒక ప్రముఖ దినపత్రిక వార్తాకథనాన్ని ప్రచురించింది.

చిరంజీవి గెలిస్తే రూ. 50 లక్షలు, ఓటమి చెందితే రూ. కోటి రూపాయలు ఇచ్చే రీతిలో కొందరు సిండికేట్‌గా ఏర్పడి పెద్ద పందెం కాశారు. చిరంజీవికి 5 వేల నుంచి 25 వేల వరకు మెజార్టీ వస్తుందని కొంతమంది పందాలు కాశారు. మరికొందరైతే పాలకొల్లుతోపాటు తిరుపతి స్థానంపై కూడా ఇక్కడ పందెం కట్టారు. పశ్చిమ డెల్టాలోని మద్యం వ్యాపారులు సిండికేట్‌గా ఏర్పడి చిరంజీవి గెలుపుతోపాటు జిల్లాలో ప్రజారాజ్యం పదిస్థానాలు వస్తాయని తూర్పుగోదావరి జిల్లా మద్యం వ్యాపారులతో రూ. 50 లక్షలకు పందెం కాశారు. అసలు పాలకొల్లులో చిరంజీవిది మూడోస్థానమంటూ రూ. 10 లక్షల వరకు పందాలు జరిగాయి. ఇందులో ఇంకో కోణమూ ఉంది. పాలకొల్లులో చిరంజీవి మెజార్టీకన్నా నరసాపురంలో కాంగ్రెస్‌ అభ్యర్థి ముదునూరి ప్రసాదరాజుకు మెజార్టీ ఎక్కువ వస్తుందని లక్షల్లో పందాలు మొదలయ్యాయి.

పాలకొల్లులో చిరు అభిమాని ఒకరు రూ. 20 లక్షల విలువ చేసే తన భవనాన్ని పణంగా పెట్టారు. యలమంచిలి మండలానికి చెందిన ప్రరాపా నేత చిరంజీవి 10 వేలు మెజార్టీతో గెలుస్తారని రెండెకరాల కొబ్బరి తోటను పణంగా పెట్టారు. రాష్ట్రంలో ప్రరాపా అధికారంలోకి వస్తుందని, 50 స్థానాలకు పైగా వస్తాయని, 30 స్థానాలు దాటవని ఇలా అనేక పందాలు జరిగాయి. పాలకొల్లులో ఇద్దరు రిక్షా కార్మికులు చిరంజీవిపై తమ రిక్షాలను పణంగా పెట్టుకున్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X