వెంటనే యాదవ్ నియామకం: వైయస్

హైదరాబాద్: రాష్ట్ర పోలీసు డైరెక్టర్ జనరల్ (డిజిపి) ఎస్ ఎస్పీ యాదవ్ ను వెంటనే నియమిస్తామని రాష్ట్ర ముఖ్యమంత్రి డాక్టర్ వైయస్ రాజశేఖర రెడ్డి చెప్పారు. ఎపియుడబ్ల్యుజె గురువారం ఏర్పాటు చేసిన మీట్ ది ప్రెస్ కార్యక్రమంలో ఆయన ఒక ప్రశ్నకు సమాధానంగా చెప్పారు. ఎన్నికల కోడ్ ను ఉల్లంఘించారనే ఆరోపణపై ఎన్నికల సమయంలో ఎస్ ఎస్పీ యాదవ్ ను డిజిపిగా ఎన్నికల కమీషన్ తప్పించింది. ఎన్నికలు పూర్తై తిరిగి కాంగ్రెస్ అధికారంలోకి రావడంతో యాదవ్ పునర్నియామకానికి మార్గం సుగమమైంది. ఇప్పటి వరకు మహంతి డిజిపిగా కొనసాగుతున్నారు.

నల్లగొండ జిల్లాలోని ఫ్లోరోసిస్ సమస్యను రెండేళ్లలో పూర్తిగా పరిష్కరిస్తామని ముఖ్యమంత్రి చెప్పారు. ఇప్పటికే ఫ్లోరోసిస్ పీడిత గ్రామాలకు మంచినీరు అందిస్తున్నామని ఆయన చెప్పారు. ఏడాదిలో ఒక రోజు రైతు దినోత్సవం జరుపుతామని ఆయన చెప్పారు. ఉగ్రవాదం, నక్సలిజంల నిర్మూలన పూర్తిగా జరగలేదని ఆయన చెప్పారు. పులిచింతల, పోలవరం ప్రాజెక్టుల నిర్మాణాల పూర్తికి కృషి చేస్తామని ఆయన చెప్పారు. పార్టీ లేనిదే ప్రభుత్వం లేదని, పార్టీని ఎప్పుడు కూడా విస్మరించేది లేదని ఆయన అన్నారు.