ముంబై దాడుల సూత్రధారి అరెస్టు

న్యూఢిల్లీ: ముంబై దాడుల ప్రధాన సూత్రధారి ముహమ్మద్ ఉమైర్ మదానీని ఢిల్లీ పోలీసులు గురువారం సాయంత్రం అరెస్టు చేశారు. ఇతను లష్కరే తోయిబా నాయకుడు హఫీజ్ మొహమ్మద్ సయీద్ ముఖ్య అనుచరుడని భావిస్తున్నారు. మదానీని ఢిల్లీలోని కుతుబ్ మినార్ సమీపంలో పోలీసులు అరెస్టు చేసినట్లు చెబుతున్నారు. ఇతను లష్కరే నేపాల్ శాఖ చీఫ్ అని చెబుతున్నారు.

భారత్ లో ఉగ్రవాదులు జరిగే ప్రమాదం ఉందని అమెరికా హెచ్చరించిన నేపథ్యంలో మదానీ అరెస్టు జరిగింది. 50 ఏళ్ల మదానీని నుంచి పోలీసులు నేపాలీ పౌరసత్వం కార్డును స్వాధీనం చేసుకున్నారు. భారీ మొత్తంలో భారత కరెన్సీని కూడా స్వాధీనం చేసుకున్నారు. ఈ కరెన్సీలో నకిలీ నోట్లు కూడా ఉన్నాయి. ఇండో - నేపాల్ సరిహద్దుల నుంచి మదానీ భారత్ లోకి ప్రవేశించినట్లు అనుమానిస్తున్నారు. మరిన్ని వివరాల కోసం పోలీసులు అతన్ని విచారిస్తున్నారు.