షైనీ పిటిషన్ పై విచారణ వాయిదా

ముంబై: పని మనిషిపై అత్యాచారాని పాల్పడ్డాడని ఆరోపణలు ఎదుర్కుంటున్న బాలీవుడ్ నటుడు షైనీ అహుజా పెట్టుకున్న బెయిల్ పిటిషన్ పై విచారణను స్థానిక సెషన్స్ కోర్టు జులై 7వ తేదీకి వాయిదా వేసింది. షైనీ జ్యుడిషియల్ కస్టడీని స్థానిక కోర్టు గురువారం ఈ నెల 16వ తేదీ వరకు పొడిగించిన విషయం తెలిసిందే. తన ఆరోగ్యం బాగా లేదని అహుజా గురువారం కోర్టుకు తెలిపారు.

అహుజా తనపై అత్యాచారానికి పాల్పడ్డాడని పని మనిషి ఆరోపించడంతో పోలీసులు ఆయనను జూన్ 15వ తేదీన అరెస్టు చేశారు. ఆయన భార్య ఆ ఆరోపణలు ఖండించినప్పటికీ వివిధ వైద్య పరీక్షల్లో అహుజా అత్యాచారానికి పాల్పడినట్లు తేలింది. దీంతో అహుజా తప్పించుకోవడానికి వీలు లేకుండా పోయింది. ఈ కేసును ఫాస్ట్ ట్రాక్ కోర్టుకు బదిలీ చేసి తీర్పు త్వరగా వెలువడేలా చూస్తామని ముఖ్యమంత్రి అశోక్ చవాన్ ఇటీవల చెప్పారు.