జాక్సన్ డాక్టర్ ఆఫీసులపై దాడులు

లాస్ ఏంజెల్స్: దర్యాప్తు అధికారులు, గూఢచారులు బుధవారం పాప్ రారాజు మైఖెల్ జాక్సన్ వైద్యుడి కార్యాలయాలపై దాడులు చేశారు. జాక్సన్ హత్యకు గురై ఉండవచ్చుననే అనుమానంతో వారు ఈ దాడులు చేశారు. కొన్రాడ్ ముర్రే ప్రాక్టీస్ చేస్తున్న హూస్టన్, టెక్సాస్ ల్లోని ఆర్మ్ స్ట్రాంగ్ మెడికల్ క్లినిక్స్ లో లాస్ ఏంజెల్స్ పోలీసులు సోదాలు నిర్వహించినట్లు డ్రగ్ ఎన్ ఫోర్స్ మెంట్ అడ్మినిస్ట్రేషన్ అధికార ప్రతినిధి ధృవీకరించారు.

జూన్ 25వ తేదీన జరిగిన జాక్సన్ మృతి చుట్టూ అల్లుకున్న మిస్టరీలో ముర్రే కీలకమైన వ్యక్తిగా ముందుకు వచ్చాడు. జాక్సన్ ను బతికి ఉండగా చూసిన చివరి వ్యక్తి అతనే కావడం అందుకు కారణం. మోతాదుకు మించి శక్తివంతమైన డ్రగ్స్ ఇవ్వడం వల్లనే జాక్సన్ మరణించినట్లు అనుమానిస్తున్నారు. ముర్రే కార్యాలయాలపై దాడుల పట్ల ముర్రే న్యాయ బృందం అధికార ప్రతినిధి ఆశ్చర్యం వ్యక్తం చేశారు.