వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

ప్రకాష్ రాజ్ తో పెళ్లి కుట్ర: శోభరాణి

By Staff
|
Google Oneindia TeluguNews

హైదరాబాద్: తాను సినీ నటుడు ప్రకాష్ రాజ్ ను పెళ్లి చేసుకున్నట్లు వచ్చిన వార్తల్లో నిజం లేదని మహిళా రాజ్యం అధ్యక్షురాలు శోభారాణి అంటున్నారు. ప్రకాష్ రాజ్, తాను పెళ్లి దుస్తుల్లో ఉన్న ఫొటోలు తనకు కూడా వచ్చాయని ఆమె ఒక ప్రైవేట్ తెలుగు టీవీ చానెల్ ప్రతినిధితో అన్నారు. ఇదంతా న్యూసెన్స్ అని ఆమె అభిప్రాయపడ్డారు. తెలుగుదేశం, కాంగ్రెసు పార్టీల్లోని తానంటే గిట్టని వారు ఈ పని చేసి ఉంటారని, ఫొటోలను చాలా తెలివిగా రూపొందించారని, ఇదంతా తన రాజకీయ జీవితాన్ని పాడు చేయాలనే కుట్రతో జరిగిందని ఆమె అన్నారు.

ప్రకాష్ రాజ్ తో తనకు పెద్దగా పరిచయం లేదని, ఒక్క సినిమా షూటింగ్ లో మాత్రం తాను ప్రకాష్ రాజ్ తో మాట్లాడానని ఆమె చెప్పారు. తన కుటుంబంలో గొడవలున్న మాట వాస్తవమేనని, అయితే తాను తిరిగి పెళ్లి చేసుకోవాలని అనుకోవడం లేదని, తాను రాజకీయాల్లో ఉన్నానని, ప్రజలకు సేవ చేయాలనే ఉద్దేశంతో పెళ్లి చేసుకోవాలని అనుకోవడం లేదని ఆమె అన్నారు. ప్రకాష్ రాజ్ శోభ అనే అమ్మాయిని పెళ్లి చేసుకోవాలని అనుకుంటున్నట్లు తాను విన్నానని ఆమె అన్నారు. ఈ వివాదం విషయంలో కుట్ర చేసిన వారి విజ్ఞతకే అసలు విషయాన్ని వదిలేస్తున్నానని ఆమె అన్నారు. ప్రజారాజ్యం పార్టీలో తనకు ఏ విధమైన ఇబ్బందులు లేవని, రాజకీయంగా తన ఎదుగుదలను సహించని వారే ఆ పనికి పూనుకుని ఉంటారని ఆమె అన్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X