ఆర్మీ అధికారి ఇంట్లో భారీ చోరీ

హైదరాబాద్: హైదరాబాద్ శివారులో నేరేడ్ మెట్ లోని ఆర్కే పురంలో గల ఓ సైనికాధికారి ఇంట్లో 20 లక్షల రూపాయల భారీ చోరీ జరిగింది. ఆర్మీలో లెఫ్టినెంట్ గా పనిచేస్తున్న ప్రభాంజనేయులు ఇంట్లో ఈ చోరీ జరిగింది. ఇటీవలే ఆయన నేరేడ్ మెట్ లో ఫ్లాట్ కొని అందులో నివాసం ఉంటున్నాడు.

ఆయన ఇటీవల ఇంటికి తాళం వేసి గుంటూరు వెళ్లాడు. తిరిగి వచ్చిన తర్వాత చూస్తే వస్తువులు చిందరవందరగా పడి ఉన్నాయి. దీంతో చోరీ జరిగిందని గుర్తించి పోలీసులకు ఫిర్యాదు చేశాడు. పోలీసులు కేసు నమోదు చేసి దర్యాప్తు చేస్తున్నారు. దాదాపు 20 లక్షల మేరకు చోరీ జరిగినట్లు గుర్తించారు.