సిబిఐ చేత 24న బూటా విచారణ

ముంబై: కుమారుడి అవినీతి కేసులో సిబిఐ ఈ నెల 24వ తేదీన జాతీయ ఎస్సీ, ఎస్టీ అఖిల భారత కమిషన్ చైర్మన్ బూటా సింగ్ ను ప్రశ్నించనుంది.బూటా సింగ్ ను ఈనెల 24వ తేదీన విచారిస్తామని, సాక్షిగా బూటా వాంగ్మూలాన్ని రికార్డు చేస్తామని, నిందితుడిగా బూటాను పరిగణించడంలేదని సిబిఐ జాయింట్ డైరెక్టర్ (పశ్చిమ జోన్) రిషి రాజ్ సింగ్ గురువారం చెప్పారు.

నాసిక్ కు చెందిన కాంట్రాక్టర్ రామారావు పాటిల్ నుంచి మూడు కోట్ల రూపాయల లంచం తీసుకున్నాడనే ఆరోపణపై సిబిఐ బూటా సింగ్ కుమారుడు సరోబ్జిత్ సింగ్ ను జులై 31వ తేదీన ఆరెస్టు చేసింది. బూటా సింగ్ ను సిబిఐ అధికారులు ఎక్కడ విచారిస్తారనే విషయం తెలియదు. ఢిల్లీలో అతన్ని విచారించే అవకాశం ఉన్నట్లు చెబుతున్నారు. తన రాజకీయ జీవితాన్ని అంతం చేయాలనే ఉద్దేశంతోనే తనపై ఈ కుట్ర చేశారని బూటా సింగ్ ఇంతకు ముందు విమర్శించారు.