పాక్ లో దాడి: 50 మంది మృతి

పెషావర్: పాకిస్తాన్ లో గురువారం సాయంత్రం జరిగిన ఆత్మాహుతి దాడిలో 50 మంది దాకా మరణించారు. ఆత్మాహుతి దళ సభ్యుడు అఫ్గాన్ సరిహద్దుల్లోని పాకిస్తాన్ గిరిజన ప్రాంతంలో చెక్ పోస్టుపై దాడి చేశాడు. అమెరికా ద్రోణ్ దాడిలో 28 మంది దాకా హతమయ్యారు. ఖైబర్ ప్రాంతంలోని చెక్ పోస్టులోకి ఆత్మాహుతి దళ సభ్యుడు ప్రవేశించి తనను తాను పేల్చివేసుకున్నాడు. దీంతో 22 మంది దాకా మరణించారు.

ఆ దాడికి పాల్పడింది తామేనని తెహ్రీక్ - ఎ - తాలినబన్ తో సంబంధం ఉన్న మిలిటెంట్ గ్రూపునకు చెందిన అబ్దుల్లా ఆజం షాహిద్ బ్రిగేడ్ చెప్పుకున్నాడు. ఆత్మాహుతి దళ సభ్యుడు జరిపిన దాడిలో ఎక్కువగా పోలీసులే మరణించారు. ఉపవాస దీక్షను విరమించడానికి పోలీసులు ఒక చోటికి చేరిన సమయంలో ఆత్మాహుతి దళ సభ్యుడు దాడి చేశాడు.