విశాఖలో చార్మీకి ముచ్చెమటలు

విశాఖపట్నం: విశాఖపట్నంలో టాలీవుడ్ భామామణి చార్మీకి అభిమానులు ముచ్చెమటలు పట్టించారు. ఆమె శనివారంనాడు విశాఖపట్నంలో ఒక బట్టల దుకాణాన్ని ప్రారంభించడానికి వచ్చింది. ఆమెను చూడడానికి అభిమానులు పెద్ద యెత్తున తరలి వచ్చారు. దీంతో తీవ్ర గందరగోళం చోటు చేసుకుంది. అభిమానులు తోసుకుని వస్తుండడంతో చార్మి దుకాణంలో కాలు పెట్టడం కూడా గగనమై పోయింది.

ఎంతో కష్టంగా ఆమె దుకాణంలో కాలు పెట్టింది. అయితే లోపల కూడా అభిమానుల సందడి తగ్గకపోవడంతో, తీవ్ర అసౌకర్యానికి గురైంది. దీంతో దుకాణాన్ని ప్రారంభించకుండానే ఆమె తిరిగి వెళ్లిపోయింది. ఈ సందడిలో జేబు దొంగలు తమ చేతి వాటం ప్రదర్సించారు. చార్మీని చూడడానికి వచ్చిన అభిమానుల జేబులు కత్తిరించారు. డబ్బులు, సెల్ ఫోన్లు దోచుకున్నారు.