• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

మేవాడ్, గోవా రైళ్ల ఢీ: 21 మంది మృతి

By Pratap
|

Mewar Express
న్యూఢిల్లీ: మధుర సమీపంలో రెండు రైళ్లు ఢీకొట్టడంతో ఐదుగురు మరణించారు. ఆగి ఉన్న మేవాడ్ ఎక్స్ ప్రెస్ ను గోవా ఎక్స్ ప్రెస్ రైలు బుధవారం ఉదయం ఢీకొట్టింది. దీంతో 21 మంది మరణించగా, 17 మంది దాకా గాయపడినట్లు టీవీ చానెళ్లు వార్తలను ప్రసారం చేస్తున్నాయి. శిథిలాల కింది నుంచి మధ్యాహ్నానికి 19 శవాలను వెలికి తీశారు. మరో ఇద్దరు ఆస్పత్రిలో చికిత్స పొందుతూ మరణించారు.

ఈ ప్రమాదంతో ఆరు రైళ్లను దారి మళ్లించారు. ఐదు రైళ్లను రద్దు చేశారు. గాయపడిన వారిని మధుర, బృందావన్ ఆస్పత్రులకు తరలించారు. సహాయక చర్యలు సాగుతున్నాయి. రెండు రైళ్లు బుధవారం తెల్లవారుజామున 4 గంటల 45 నిమిషాల ప్రాంతంలో ఢీకొట్టుకున్నాయి. మేవాడ్ ఎక్స్ ప్రెస్ కు చెందిన ఒక బోగీ పూర్తిగా దెబ్బ తిన్నది. మేవాడ్ ఎక్స్ ప్రెస్ లోని బోగీని కట్ చేసి గాయపడిన 15 మందిని వెలికి తీసినట్లు, వారిని ఆస్పత్రికి తరలించినట్లు జిల్లా మెజిస్ట్రేట్ దినేష్ చంద్ర శుక్లా తెలిపారు.

గోవా ఎక్స్ ప్రెస్ పాంట్రీ కారు కూడా ధ్వంసమైంది. మేవాడ్ ఎక్స్ ప్రెస్ గార్డు, పాంట్రీ కారుకు చెందిన ఇద్దరు సిబ్బంది ప్రమాదంలో మరమించారు. మృతుల కుటుంబాలకు రైల్వే శాఖ ఐదు లక్షల రూపాయలేసి ఎక్స్ గ్రేషియా ప్రకటించింది.

ఢిల్లీ హెల్ప్ లైన్ నెంబర్స్: 011-24359748, 011 - 2435596

మధుర హెల్ప్ లైన్ నెంబర్లు: 0565-2402008, 0565-242009

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X