మరోసారి పాక్ కాల్పుల విరమణ ఉల్లంఘన

పూంఛ్: పాకిస్తానీ బలగాలు మరోసారి కాల్పుల విరమణను ఉల్లంఘించాయి. పూంఛ్ జిల్లాలోని మేంధార్ సెక్టార్ లోని భారత పోస్టుపై పాకిస్తాన్ బలగాలు కాల్పులు జరిపాయి. ఈ కాల్పుల్లో భారత జవాను గాయపడ్డాడు.పాకిస్తాన్ బలగాలు ఎల్ఎంజి, ఎంఎంజిలను మేంధార్ సెక్టారులోని క్రిపాన్ పోస్టుపై కాల్పులు జరిపాయని భారత రక్షణ వర్గాలు చెప్పాయి. పాక్ బలగాలు శనివారం ఉదయం తొమ్మిదిన్నర, పదిన్నర గంటల మధ్య 500 రౌండ్లు కాల్పులు జరిపాయి.

భారత బలగాలు ఎదురు కాల్పులు జరపలేదు. పాకిస్తాన్ నుంచి పదిన్నర గంటల తర్వాత కాల్పులు ఆగిపోయాయి. పాకిస్తాన్ కాల్పుల్లో గాయపడిన భారత జవాను ఓం బహదూర్ సింగ్ ను ఆస్పత్రికి తరలించారు. జమ్మూ డివిజన్ లోని కతురా అంతర్జాతీయ సరిహద్దు వద్ద అనుమానాస్పద కదలికలను గమనించి భారత బలగాలు కాల్పులు జరిపాయి.