ఈ తెలుగు తల్లి ఎక్కడిది? కెసీఅర్

హైదరాబాద్‌ : ప్రపంచంలో ఏ భాషకు తల్లి లేదని, మరి తెలుగుతల్లి ఎక్కడి నుంచి వచ్చిందని కేసీఆర్‌ అన్నారు. నవంబర్‌ 1వ తేదీని తెలంగాణ విద్రోహదినంగా పాటిస్తూ హైదరాబాద్‌లోని టీఆర్‌ఎస్‌ భవన్‌లో నల్లజెండావిష్కరించి నిరసన తెలిపారు. ఈ సందర్భంగా కేసీఆర్‌ మాట్లాడుతూ భారత ప్రభుత్వ అనుమతి లేకుండా, రాజ్యాంగ సవరణ లేకుండా మా తెలుగు తల్లి మల్లెపూవు దండ గీతాన్ని ఏవిధంగా ప్రవేశపెట్టారన్నారు. దీనికి రాష్ట్ర ప్రభుత్వం వెంటనే సమాధానం చెప్పాలని, తెలంగాణ ప్రజలకు క్షమాపణ చెప్పి, ఆ గేయాన్ని పాడటం వెంటనే విరమించాలని కేసీఆర్‌ డిమాండ్‌ చేశారు.

ముఖ్యమంత్రి ప్రసంగం పచ్చి అబద్ధాల పుట్ట అని ఆయన విమర్శించారు. ఆంధ్రప్రదేశ్‌ను హరితాంధ్రప్రదేశ్‌ అంటున్న ముఖ్యమంత్రి రోశయ్య పాలమూరులో సాగుభూమి ఎంతో, బీడు భూమి ఎంతో ప్రకటించాలని డిమాండ్‌ చేశారు. జాతీయ గీతం కంటే ముందు మా తెలుగుతల్లికి మల్లెపూవు దండ గేయాని పాడటం ఎంత వరకు సమంజసమని కేసిఆర్‌ ప్రశ్నించారు. లగడపాటిపై స్పందించాలని మీడియా కోరగా.. ఆయన నా స్థాయికి తగ్గ వ్యక్తి కాదని, స్పందించాల్సిన అవసరం లేదని కేసీఆర్‌ వ్యాఖ్యానించారు.