వైఎస్ "అభయ హస్తం"కు రోశయ్య శ్రీకారం

చేవెళ్ల: వైఎస్సార్‌ అభయహస్తం పథకాన్ని ముఖ్యమంత్రి రోశయ్య చేవెళ్లలో ప్రారంభించారు. అభయహస్తానికి రూపకల్పన చేసిన వైఎస్సార్‌ లేకపోవడం బాధకలిగిస్తోందన్నారు. ఈ పథకానికి ఆయన పేరు పెట్టడం సముచితమన్నారు. దివంగత రాజశేఖరరెడ్డి సాహసికుడని నిత్యం ప్రజలకు సేవ చేసేందుకు కొత్త పథకాలను ఆలోచించేవారని తెలిపారు.

రాజశేఖరరెడ్డి ప్రవేశపెట్టిన రాజీవ్‌ ఆరోగ్యశ్రీ, ఫించన్‌ పథకాలు లక్షలాదిమంది నిరుపేదల జీవితాల్లో వెలుగులు నింపుతున్నాయని ముఖ్యమంత్రి పేర్కొన్నారు. హోం మంత్రి సబితా ఇంద్రారెడ్డి, తదితరులు కార్యక్రమంలో పాల్గొన్నారు. పెద్దఎత్తున మహిళలు హాజరుకావడంతో ముఖ్యమంత్రి హర్షం వ్యక్తం చేశారు.