కర్నాటక హైకోర్టులో నిత్యానంద రిట్

బెంగళూర్: సినీ నటి రంజితతో లైంగిక కార్యకలాపాల్లో పాల్గొంటూ వీడియోకు చిక్కిన నిత్యానంద స్వామి కర్నాటక హైకోర్టులో సోమవారం రిట్ పిటిషన్ దాఖలు చేశాడు. రామనగర్ జిల్లా పోలీసులు తనపై పెట్టిన కేసులను కొట్టేయాలని అతను ఆ రిట్ పిటిషన్ లో కోరాడు. రంజితతో తాను లైంగిక కార్యకలాపాల్లో పాల్గొన్నట్లు వచ్చిన ఆరోపణల్లో, వీడియో విషయంలో తాను అమాయకుడినని అతను చెప్పుకున్నాడు.

తన మాజీ శిష్యుడు, డ్రైవర్ కురుప్ లెనిన్ తనను, తన ఆశ్రమాన్ని అప్రతిష్ట పాలు చేయడానికి కుట్ర చేశాడని నిత్యానంద ఆరోపించాడు. సెక్స్ వీడియో బయటపడినప్పటి నుంచి నిత్యానంద అలియాస్ రాజశేఖరన్ ఎక్కడున్నాడనే విషయం మిస్టరీగానే మారింది. అయితే అతను హరిద్వార్ లో ఉన్నట్లు బీదాడిలోని అతని శిష్యులు చెబుతున్నారు.