• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

మంత్రి పదవికి శశి థరూర్ రాజీనామా

By Pratap
|

Shashi Tharoor
న్యూఢిల్లీ: తన సన్నిహిత మిత్రురాలికి ఐపీఎల్‌ కోచీ ఫ్రాంచైజీలో రూ.70 కోట్ల ఉచిత వాటా ఇప్పించారని ఆరోపణలు ఎదుర్కొంటున్న కేంద్ర విదేశాంగశాఖ సహాయ మంత్రి శశి థరూర్‌ ఆదివారం రాత్రి తన మంత్రి పదవికి రాజీనామా చేశారు. వరుస వివాదాలతో పార్టీకి, ప్రభుత్వానికి ఇబ్బందికరంగా తయారైన థరూర్ ను తప్పించాలని కాంగ్రెస్‌ అధ్యక్షురాలు సోనియా గాంధీ నేతృత్వంలోని కోర్‌ కమిటీ నిర్ణయించింది. తక్షణమే రాజీనామా చేయాలని శశి థరూర్‌ను ప్రధాని మన్మోహన్ ‌సింగ్‌ ఆదేశించింది. దాంతో ఆదివారం రాత్రి ఆయన ప్రధాని నివాసానికి వచ్చి రాజీనామా లేఖ సమర్పించారు.

కేంద్ర మంత్రి శరద్‌ పవార్‌, ఐపీఎల్‌ కమిషనర్‌ లలిత్‌ మోడీలు ఐసీసీ త్రైమాసిక సమావేశంలో పాల్గొనేందుకు ఆదివారం ఉదయం దుబాయికి వచ్చారు. ఐపీఎల్‌ కోచీ ఫ్రాంచైజీ కొత్త ఛైర్మన్‌ హర్షద్‌ మెహతా లలిత్‌ మోడీని కలిశారు. ఈ వివాదానికి ముగింపు పలకాలని విజ్ఞప్తి చేశారు. వివాదానికి మూలబిందువైన సునంద పుష్కర్‌ ఐపీఎల్‌ కోచీ ఫ్రాంచైజీలో తన ఉచిత వాటాను వదులుకోవడానికి సిద్ధంగా ఉన్నారని చెప్పారు. దాంతో ఐపీఎల్‌ బాస్‌ లలిత్‌ మోడీ రాజీకి వచ్చారు. తనకు కోచీ ఫ్రాంచైజీతో గానీ, విదేశాంగ శాఖ సహాయ మంత్రి శశి థరూర్‌తో గానీ ఎలాంటి వ్యక్తిగత విభేదాలు లేవని ప్రకటించారు. ఈ వివాదం త్వరలోనే సమసిపోతుందని చెప్పారు. అయినా శశి థరూర్ రాజీనామా చేయక తప్పలేదు.

ఆదివారం సాయంత్రం సోనియా గాంధీ స్వయంగాప్రధాని నివాసానికి వచ్చి మన్మోహన్‌తో ముఖాముఖి భేటీ అయ్యారు. ఈ వివాదం మొదలయ్యాక ఇద్దరూ కలుసుకోవడం ఇదే ప్రథమం. ఈ సందర్భంగానే థరూర్‌ ఇబ్బందికరంగా తయారయ్యారనే అభిప్రాయం వ్యక్తం అయినట్లు సమాచారం. అనంతరం సోనియా నేతృత్వంలోని కాంగ్రెస్‌ కోర్‌ కమిటీ అక్కడే భేటీ అయ్యింది. ఆర్థిక మంత్రి ప్రణబ్‌ ముఖర్జీ, రక్షణ మంత్రి ఆంటొనీ, హోంమంత్రి చిదంబరం, సోనియా రాజకీయ సలహాదారు అహ్మద్‌పటేల్‌ పాల్గొన్నారు. థరూర్ ‌తో రాజీనామా చేయించాలని నిర్ణయానికి వచ్చారు. ప్రధాని మన్మోహన్‌ నుంచి పిలుపు అందడంతో శశి థరూర్‌ ప్రైవేటు కారులో ప్రధాని నివాసానికి వచ్చారు. ఇద్దరూ గంటసేపు సమావేశం అయ్యారు. థరూర్‌ రాజీనామా లేఖను అందించి, ప్రధాని నివాసం నుంచి బయటపడ్డారు. అనంతరం ఆయన రాజీనామాను ప్రధాని ఆమోదించారు. రాష్ట్రపతి ఆమోదానికి పంపారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more