రాజకీయ వత్తిళ్ళకు లొంగను: జస్టిస్ శ్రీకృష్ణ

హైదరాబాద్‌: తనపై ఎలాంటి రాజకీయ ఒత్తిళ్లు పనిచేయవని ఆంధ్రప్రదేశ్‌ పరిస్థితులపై అధ్యయనం చేయడానికి ఏర్పాటయిన కమిటీ చైర్మన్‌, జస్టిస్ శ్రీకృష్ణ తెలిపారు. ఈ నెల 10,11, 12వ తేదీలలో టీడీపీ, ఎంఐఎం, ముస్లీంలీగ్‌ పార్టీలతో సంప్రదింపులు జరుపుతామని తెలిపారు. ఆయన గురువారం విలేకరులతో మాట్లాడారు.

ఈ నెల 17, 18 తేదీలలో కాంగ్రెస్‌ తెలంగాణ, సీమాంధ్ర నేతలతో సమావేశమయి, వారి అభిప్రాయాలు వింటామని శ్రీకృష్ణ వెల్లడించారు. టీడీపీ నుంచి మూడు గ్రూప్‌లను సంప్రదింపులకు ఆహ్వానించామన్నారు. జూలై నెలలో క్షేత్రస్థాయిలో పర్యటనలు నిర్వహిస్తామని తెలిపారు.