విడాకులకు యాక్టర్ అర్వింద్ స్వామి దరఖాస్తు

తమిళ నటుడు, వాణిజ్యవేత్త అర్వింద్ స్వామి భార్య గాయత్రితో విడాకులకు దరఖాస్తు చేసుకున్నాడు. స్వామి 1991లో మణిరత్నం తీసిన తళపతితో సినిమా రంగంలోకి అడుగు పెట్టాడు. మహాభారతంలోని అర్జునుడిని బేస్ చేసుకుని రూపొందించిన పాత్రలో అతను ఈ సినిమాలో నటించాడు. అతనికి రోజా, బొంబాయి సినిమాలు మంచి పేరు తెచ్చిపెట్టాయి. పరస్పర ఒప్పందంతో అర్వింద్ స్వామి, గాయత్రి విడాకులకు దరఖాస్తు చేసుకున్నారు. వారిద్దరికి 1994లో వివాహం జరిగింది. వారికి ఓ కూతురు, ఓ కుమారుడు ఉన్నారు. అర్వింద్ స్వామి టాలెంట్ మాగ్జిమస్ సిఎండిగా ఉన్నారు. ప్రోలీజ్ ఇండియా, ఇంటర్ ప్రో ఇండియా చైర్మన్ గా కూడా ఉండేవాడు.