• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

పిసిసి అధ్యక్షుడిగా డిఎస్ రాజీనామా చేస్తారా?

By Pratap
|

Srinivas
న్యూఢిల్లీ: తెలంగాణ ఉప ఎన్నికల్లో పార్టీ ఓటమికి బాధ్యత వహిస్తూ ప్రదేశ్ కాంగ్రెసు కమిటీ (పిసిసి) అధ్యక్ష పదవికి డి. శ్రీనివాస్ రాజీనామా చేస్తారనే ప్రచారం జరుగుతోంది. పార్టీ అభ్యర్థులే కాకుండా తాను కూడా స్వయంగా ఓడిపోవడంతో డిఎస్ పూర్తిగా ఆత్మరక్షణలో పడ్డారు. దీంతో నైతిక బాధ్యత వహించి రాజీనామా చేయడమే మంచిదనే అభిప్రాయానికి వచ్చినట్లు తెలుస్తోంది. ఆయన మంగళవారం ఢిల్లీ వస్తున్నారు. ఆయన పార్టీ అధ్యక్షురాలు సోనియా గాంధీని కలిసి రాజీనామా లేఖను అందజేస్తారని అంటున్నారు. ఉప ఎన్నికల్లో పార్టీ పరిస్థితిపై ఆయన నివేదిక ఇచ్చే అవకాశం కూడా ఉంది.

వ్యక్తిగతంగా తనకు ఇష్టం లేదని, సోనియా గాంధీ సూచన మేరకే తాను ఎన్నికల్లో పోటీ చేశానని ఆయన సోమవారం పార్టీ సమీక్షా సమావేశంలో చెప్పుకున్నారు. తెలంగాణ సెంటిమెంటు బలంగా ఉందని, దానివల్లనే తెలంగాణ రాష్ట్ర సమితి (తెరాస) గెలిచిందని ఆయన అన్నారు. పార్టీ ఫలితాల పట్ల ఆయన తీవ్రంగా కలత చెందినట్లు కూడా తెలుస్తోంది. ఫలితాలు వెలువడిన నాడే తన పేరు మీద ఇషాన్ రెడ్డి అనే విద్యార్థి ఆత్మహత్య చేసుకోవడం ఆయనను తీవ్రంగా ఆవేదనకు గురి చేసినట్లు చెబుతున్నారు. ఈ స్థితిలో పదవిలో కొనసాగడం మంచిది కాదని ఆయన అనుకుంటున్నట్లు చెబుతున్నారు. అయితే, త్వరలోనే సంస్థాగత ఎన్నికలు జరిగి పిసిసి అధ్యక్ష ఎన్నిక జరగనుంది. అప్పటి వరకు కొనసాగాలని అధిష్టానం ఆయనకు సూచించే అవకాశం ఉంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X