జెండా కర్ర విసిరిన ఫ్యాన్: చిరంజీవి తలకు గాయం

హైదరాబాద్: గుంటూరు జిల్లా పర్యటనలో చిరంజీవి తలకు శనివారం స్వల్పంగా గాయమైంది. గుంటూరు జిల్లా మాచర్లలో ఓ అభిమాని జెండా కర్రను విసరడంతో ఈ సంఘటన చోటు చేసుకుంది. పట్టుకోవాలని అంటూ అభిమాని జెండా కర్ర విసిరాడు. దాంతో ఆ అభిమానిని పోలీసులు అదుపులోకి తీసుకున్నారు. అయితే, చిరంజీవి పోలీసులను వారించారు. అభిమానిని వదిలేయాలని ఆయన పోలీసులకు సూచించారు.

తనకు ఏమీ కాలేదని, అనవసరంగా మీడియావారు తనకు గాయమైందంటూ ప్రచారం చేస్తోందని చిరంజీవి అన్నారు. చిరంజీవికి ఏమీ కాలేదని ప్రజారాజ్యం పార్టీ నాయకుడు జ్యోతుల నెహ్రూ అన్నారు. ఆయన గుంటూరు జిల్లాలో చిరంజీవి జనచైతన్య యాత్ర నిర్వహిస్తున్నారు.