కర్నూలు వార్తల కోసం
నోటిఫికేషన్స్ పై క్లిక్ చేయండి  
Oneindia App Download

ముఖ్యమంత్రిగా రోశయ్య మార్పు వార్తలు ఉత్తవే: టిజి వెంకటేష్

By Srinivas
|
Google Oneindia TeluguNews

TG Venkatesh
కర్నూలు: ముఖ్యమంత్రి రోశయ్య గవర్నర్ కావాలనుకుంటే ఎప్పుడో అయ్యేవారని, ప్రజలకు సేవ చేయాలనే ఉద్దేశ్యంతోనే రాజకీయాల్లో ఇంకా కొనసాగుతున్నారని కర్నూలు శాసనసభ్యుడు టిజి వెంకటేష్ గురువారం విలేకరుల సమావేశంలో అన్నారు. పార్టీ అధిష్టానం అండదండలు పుష్కలంగా ఉన్న రోశయ్య గవర్నర్ కావాలనుకోవటం లేదని అన్నారు. కొందరు రోశయ్యను దెబ్బతీయడానికి పనిగట్టుకొని ఇలాంటి దుష్ట్రచారానికి పాల్పడుతున్నారని ఆయన ఆరోపించారు. ఎన్ని అవాంతరాలు వచ్చినప్పటికీ రోశయ్య పాలన సమర్థవంతంగా కొనసాగిస్తున్నాడన్నారు. కొన్ని వైబ్ సైట్లు రోశయ్యను మారుస్తారనే తప్పుడు వార్తలు రాశాయని ఆయన అన్నారు.

రోశయ్యకు పార్టీ అండదండలతో పాటు రాష్ట్రంలో ఆయన పాలనను ప్రజలు మెచ్చుకుంటున్నారన్నారు. తీవ్రవాదం, తెలంగాణ ఉద్యమం, వరదల వంటి సమస్యలు ఎన్ని వచ్చినప్పటికీ రోశయ్య అన్నింటినీ ఎదుర్కొంటున్నాడన్నారు. గత సంవత్సరం, ఈ సంవత్సరం వరదలు వచ్చినప్పుడు ముఖ్యమంత్రి రాత్రింబవళ్లు ప్రజలకు అందుబాటులో ఉన్నారన్నారు. కష్టాలు వచ్చినప్పుడు రాత్రింబవళ్లు ప్రజలకు అందుబాటులో ఉన్న ముఖ్యమంత్రి రోశయ్య మాత్రమేనన్నాడు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X