బిగ్ బాస్ కు బొంబాయి హైకోర్టు ఊరట: ప్రభుత్వ ఆదేశాలపై స్టే

ముంబై: వివాదస్పద 'బిగ్‌బాస్" రియాలిటీ షోను రాత్రి 11 గంటల తర్వాత ప్రసారం చేయాలంటూ కేంద్ర సమాచార, ప్రసార మంత్రిత్వ జారీ చేసిన ఆదేశాలపై బాంబే హైకోర్టు గురువారం స్టే విధించింది. దీంతో బిగ్ బాస్ షోకు ఊరట లభించింది. ఈ కేసు తదుపరి విచారణను ఈ నెల 22కు వాయిదా వేసింది. బిగ్‌బాస్, రాఖీ కా ఇన్సాఫ్ కార్యక్రమాలను ఇకపై రాత్రి 11 నుంచి ఉదయం 5 గంటలలోపు ప్రసారం చేయాలని కేంద్రం బుధవారం ఆదేశించింది. దీంతో బిగ్‌బాస్ కార్యక్రమాన్ని ప్రసారం చేస్తున్న కలర్స్ చానల్ బాంబే హైకోర్టును ఆశ్రయించింది.

హైకోర్టు స్టేతో బిగ్ బాస్ రియాల్టీ షో యథావిధిగా రాత్రి 9 గంటలకే ప్రసారమవుతుంది. బిగ్ బాస్ రియాల్టీ షోలో అశ్లీలత చోటు చేసుకుందనే ఆరోపణపై సమాచార, ప్రసారాల మంత్రిత్వ శాఖ దాని ప్రసార సయమాన్ని మార్చాలని ఆదేశించింది.