హైదరాబాద్ వార్తల కోసం
నోటిఫికేషన్స్ పై క్లిక్ చేయండి  
Oneindia App Download

ఫ్రీజోన్ కు రోశయ్యతో కలిపి చంద్రబాబు కుట్ర: హరీష్ రావు

By Srinivas
|
Google Oneindia TeluguNews

Harish Rao
హైదరాబాద్: ముఖ్యమంత్రి కొణిజేటి రోశయ్య, తెలుగుదేశం పార్టీ అధ్యక్షుడు చంద్రబాబునాయుడు, డిజిపి అరవిందరావు హైదరాబాదును ఫ్రీజోన్ గా ఉంచాలని కుట్ర పన్నుతున్నారని సిద్దిపేట శాసనసభ్యుడు టి హరీష్ రావు ఆరోపించారు. అఖిలపక్షాన్ని ఢిల్లీ తీసుకెళ్లి ఫ్రీజోన్ సమస్యను ప్రభుత్వం వెంటనే పరిష్కరించాలి. ఆ తర్వాతనే ఎస్ఐ పోస్టులను భర్తీ చేయాలని ఆయన డిమాండ్ చేశారు.

తెలంగాణ విద్యార్థులకు న్యాయం చేయలేని హోంమంత్రి సబితారెడ్డి వెంటనే తన మంత్రి పదవికి రాజీనామా చేయాలన్నారు. తెలంగాణకు చెందిన కాంగ్రెస్ నేతలు ఫ్రీజోన్, తెలంగాణ అంశాలపై కలిసి రావాలన్నారు. లేకపోతే వారి ఇళ్లను ముట్టడిస్తామని హెచ్చరించారు. తెలంగాణకు అన్యాయం జరిగేలా పరీక్షలు నిర్వహిస్తామని ప్రభుత్వం అనుకుంటే ఆ పరీక్షలు ఎంత మాత్రం జరగనివ్వమన్నారు. విద్యార్థులు, తెలంగాణవాదులు అందరం కలిసి పరీక్షలను అడ్డుకుంటామన్నారు. మాకు తెలంగాణ ఎంత ముఖ్యమో హైదరాబాదు కూడా అంతే ముఖ్యమని హరీష్ రావు కుండబద్దలు కొట్టారు. ప్రభుత్వం మొండివైఖరితో ముందుకు వెళితే ఉద్యమాన్ని మరింత ఉధృతం చేస్తామని హరీష్ రావు హెచ్చరించారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X