• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

కాంగ్రెసు ఎంపి అనంత వెంకట్రామిరెడ్డి ఇంట్లో జగన్ మంతనాలు

By Pratap
|

Anantha Venkatrami Reddy
హైదరాబాద్: కొత్త పార్టీ పెట్టడానికి సిద్ధమైన మాజీ పార్లమెంటు సభ్యుడు వైయస్ జగన్ చురుగ్గా పావులు కదుపుతున్నారు. బుధవారం వరకు కోస్తా జిల్లాల్లో అలజడి సృష్టించిన వైయస్ జగన్ గురువారం రాయలసీమ జిల్లాల్లో హల్ చల్ చేశారు. కర్నూలులో కాంగ్రెసు శాసనసభ్యుడు కాటసాని రాంభూపాల్ రెడ్డి కూతురు రిసెప్షన్ కు హాజరైన ఆయన తన రాజకీయ కార్యకలాపాలను ముమ్మరం చేశారు. కర్నూలులో పలువురు కాంగ్రెసు శాసనసభ్యులు ఆయనను కలుసుకున్నారు. కర్ణాటక మంత్రి గాలి జనార్దన్ రెడ్డితో కూడా మంతనాలు జరిపారు. ఆ తర్వాత అనంతపురం వెళ్లి పలువురు నాయకుల పెళ్లి కార్యక్రమాల్లో పాల్గొన్నారు.

గురువారం సాయంత్రం ఆయన కాంగ్రెసు పార్లమెంటు సభ్యుడు అనంత వెంకట్రామిరెడ్డి నివాసంలో ఆ పార్టీ నాయకులతో సమావేశమై తాను పెట్టబోయే పార్టీ గురించి మంతనాలు జరిపారు. అనంత వెంకట్రామి రెడ్డి ఇటీవలి దాకా వైయస్ జగన్ కు మద్దతు పలుకుతూ వచ్చారు. కానీ ఇటీవల ఆయన మౌనంగా ఉంటున్నారు. ఈ నేపథ్యంలో అనంత వెంకట్రామిరెడ్డి నివాసంలో జగన్ సమావేశం ప్రాధాన్యాన్ని సంతరించుకుంది.

ఇదిలా వుంటే, గుంటూరులో వైయస్ జగన్ వర్గీయులు కొత్త పార్టీ గురించి మంతనాలు జరుపుతున్నారు. వైయస్ జగన్ వర్గానికి చెందిన భూమన కరుణాకర్ రెడ్డి, అప్పిరెడ్డి, అంబటి రాంబాబు ఐబి గెస్ట్ హౌస్ లో సమావేశమయ్యారు. ఈ సమావేశానికి దివంగత నేత వైయస్ రాజశేఖర రెడ్డి తోడల్లుడు వైవి సుబ్బారెడ్డి కూడా హాజరయ్యారు. గుంటూరు జిల్లాలో వీరు నియోజకవర్గాల వారీగా సమావేశాలు నిర్వహిస్తున్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X