వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

మొయిలీపై నింద వేసిన వైయస్ జగన్, రాష్ట్రానికి తీరని అన్యాయం

By Pratap
|
Google Oneindia TeluguNews

Veerappa Moily-YS Jagan
న్యూఢిల్లీ: ఆంధ్రప్రదేశ్‌కు అన్యాయం జరిగే విధంగా బ్రజేష్ కుమార్ నేతృత్వంలోని కృష్ణా ట్రిబ్యునల్ తీర్పు ఇవ్వడానికి కర్ణాటకకు చెందిన కేంద్ర న్యాయశాఖ మంత్రి వీరప్ప మొయిలీ కారణమని మాజీ పార్లమెంటు సభ్యుడు వైయస్ జగన్ నిందించారు. కృష్ణా ట్రిబ్యునల్ తీర్పును వ్యతిరేకిస్తూ ఆయన మంగళవారం ఢిల్లీలో ధర్నా చేపట్టారు. ఈ సందర్భంగా ఆయన జాతీయ మీడియాను ఉద్దేశించి ఆంగ్లంలో మాట్లాడారు. బచావత్ ట్రిబ్యునల్ దారిలో బ్రజేష్ కుమార్ ట్రిబ్యునల్ నడుచుకోలేదని, అందుకు వీరప్ప మొయిలీ కారణమని ఆయన అన్నారు. రాష్ట్రానికి జరుగుతున్న అన్యాయాన్ని కేంద్రం దృష్టికి తీసుకురావడానికే తాను ఈ దీక్షను చెపట్టినట్లు ఆయన తెలిపారు. కృష్ణానదిలో డిపెండెబిలిటీని 1973లో ఏర్పడిన బచావత్ 75 శాతం తీసుకోగా బ్రజేష్ కుమార్ 65 శాతం తీసుకోవడంలో అర్థమేమిటని ఆయన అడిగారు.

కృష్ణానది జలాల వివాదం అంతర్రాష్ట్ర వివాదమని, అందువల్ల కేంద్రం జోక్యం చేసుకోవాల్సి ఉంటుందని ఆయన అన్నారు. వరదలు వచ్చినప్పుడు దిగువన ఉన్న ఆంధ్రప్రదేశ్ నష్టపోతోందని, అందువల్ల మిగులు జలాలపై హక్కు ఆంధ్రప్రదేశ్‌కు ఉండాలని బచావత్ చెప్పారని, ఆ మిగులు జలాలను బ్రజేష్ కుమార్ పంచారని ఆయన అన్నారు. కర్ణాటకకు అనుకూలంగా బ్రజేష్ కుమార్ తీర్పు ఉందని ఆయన విమర్శించారు. తనపై చాలా మంది విమర్శలు చేస్తూ ఉండవచ్చునని, అయితే తాను ఎవరినీ వేలెత్తి చూపదలుచుకోలేదని, తనకు రాష్ట్ర ప్రయోజనాలే ముఖ్యమని ఆయన అన్నారు. సమస్య పరిష్కారానికి ప్రధాని జోక్యం చేసుకోవాలని తాము కోరుతున్నామని, అందుకే తాను దీక్ష చేస్తున్నానని, ఇందులో మరో ఉద్దేశం లేదని ఆయన అన్నారు.

పోలవరం ప్రాజెక్టును పూర్తి చేసి గోదావరి నదీ జలాలను కృష్ణా నదికి తరలిస్తే తప్ప రాష్టానికి మేలు జరగదని, ఈ విషయాన్ని కేంద్ర ప్రభుత్వం పట్టించుకోవడం లేదని, ఈ విషయంలో ఒకే కాంగ్రెసు పార్టీలు రెండు అభిప్రాయాలున్నాయని, కాంగ్రెసు నాయకత్వం తమ పార్టీ పార్లమెంటు సభ్యులకు ఎందుకు నచ్చజెప్పడం లేదని ఆయన అన్నారు. పోలవరంతో పాటు గోదావరి నదిపై ప్రాణహిత- చేవెళ్ల ప్రాజెక్టును కూడా నిర్మిస్తామని కాంగ్రెసు నాయకత్వం తన పార్టీ ఎంపీలకు ఎందుకు చెప్పడం లేదని ఆయన ప్రశ్నించారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X