వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

ట్రై వ్యాలీలోని భారత విద్యార్థులకు రేడియా కాలర్స్ సబబే: అమెరికా

By Pratap
|
Google Oneindia TeluguNews

Tri-Valley University
న్యూఢిల్లీ: ట్రై-వ్యాలీ యూనివర్సిటీ మోసానికి బలైన విద్యార్థుల కాళ్లకు రేడియో కాలర్లు కట్టడం సబబేనంటూ తన అమానుష చర్యను అమెరికా సమర్థించుకుంది. ట్రాకర్లు అమర్చడం తమకు ఆమోదయోగ్యం కాదని, వాటిని వెంటనే తొలగించాలని భారత ప్రభుత్వం చెప్పిన తర్వాత అమెరికా నుంచి ఇలాంటి సమాధానం ఎదురైంది. ట్రై వ్యాలీలోని విద్యార్థులకు రేడియా కాలర్స్ కట్టిన విషయం తెలిసిందే. "కాళ్లకు మానిటర్ల వాడకం అమెరికాలో విస్తృతంగా ఉంది. అంతమాత్రాన దీన్ని నేరపూరిత చర్యకు లేదా తప్పు ఆపాదించడానికి సూచనగా భావించక్కర్లేదు. ఇది కట్టుకున్నవాళ్లు ఎక్కడైనా తిరిగే స్వేచ్ఛ ఉంటుంది, దర్యాప్తు పెండింగులో ఉన్నప్పుడు ఎక్కడికీ వెళ్లకూడదన్న నిబంధనకు ఇది ప్రత్యామ్నాయమే'' అని న్యూఢిల్లీలోని అమెరికా రాయబార కార్యాలయం ఓప్రకటనలో తెలిపింది.

అర్హులైన విద్యార్థులు అక్కడే తమ చదువు కొనసాగించడాన్ని అమెరికా ప్రభుత్వం స్వాగతిస్తుందని, నకిలీ వీసా మోసాలకు గురికాకుండా చూసుకోవాలని ఆ ప్రకటనలో కోరారు. కేసు వివరాల విషయంలో ఎప్పటికప్పుడు భారతీయ అధికారులతో తమ డీహెచ్ఎస్/ఐసీఈ అధికారులు సంప్రదిస్తూనే ఉన్నారని అమెరికా హోంశాఖవర్గాలు తెలిపాయి. నకిలీ పత్రాల అమ్మకందారులు, దొంగ ఏజెంట్ల కారణంగా భారతీయ సమాజంలోని సభ్యులు ఇబ్బందులు పడుతున్నారని, వీరివల్ల అమెరికాలో చదువుతున్న విద్యార్థుల, అర్హులైన వారి అవకాశాలు దెబ్బతింటున్నాయని అమెరికా వర్గాలు ఆందోళన వ్యక్తం చేశాయి.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X