• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

డప్పు కొట్టి నృత్యం చేసిన చంద్రబాబు, లంబాడీ మహిళలతో హోలీ

By Pratap
|

Chandrababu Naidu
హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడు హోలీ సంబరాలను శనివారం ఉత్సాహభరిత వాతావరణంలో జరుపుకున్నారు. హైదరాబాదులోని తన నివాసంలో తెలుగు మహిళలు, లంబాడీ మహిళలతో కలిసి ఆయన డప్పు కొట్టారు. వారితో కలిసి నృత్యం చేశారు. హోలీ రంగుల మాదిరిగానే ప్రజల జీవితాలు కూడా రంగులమయం కావాలని ఆయన ఈ సందర్భంగా అన్నారు. హైదరాబాదులోని పబ్లిక్ గార్డెన్స్‌లో జరిగిన హోలీ సంబరాల్లో హైదరాబాదు నగర పోలీసు కమిషనర్ ఎకె ఖాన్ పాల్గొన్నారు. రాష్ట్రంలోని అనిశ్చితి తొలగిపోవాలని ఆయన ఈ సందర్భంగా ఆశించారు.

పబ్లిక్ గార్డెన్స్‌లో జరిగిన హోలీ వేడుకల్లో బిజెపి సీనియర్ నాయకుడు బండారు దత్తాత్రేయ కూడా పాల్గొన్నారు. హోలీ సందర్భంగా తిరుమలకు విఐపిల తాకిడి పెరిగింది. టాలీవుడ్ హీరో నాగార్జున, బాలీవుడ్ అందాల భామ దీపికా పడుకొనే తదితర సినీ ప్రముఖులు శనివారం తిరుమల శ్రీవారిని దర్శించుకున్నారు. శాసనసభ డిప్యూటీ స్పీకర్ నాదెండ్ల మనోహర్ కూడా తిరుమల శ్రీవెంకటేశ్వర స్వామిని దర్శించుకున్నారు. రాష్ట్రవ్యాప్తంగా ప్రజలు అత్యంత ఉత్సాహంతో హోలీ సంబరాలను జరుపుకుంటున్నారు.

రాజభవన్‌లో గవర్నర్ నరసింహన్ దంపతులు రంగుల్లో మునిగిపోయారు. రాజభవన్‌లో వారు హోలీ వేడుకలను ఘనంగా జరుపుకున్నారు. రాష్ట్ర ప్రజలు సంతోషంగా ఉండాలని తాను ఈ సందర్భంగా కోరుకుంటున్నట్లు గవర్నర్ తెలిపారు. ఈ వేడుకల్లో కూడా దత్తాత్రేయ పాల్గొన్నారు.

English summary
TDP president N Chandrababu Naidu participated Holi celebration at his party office. He danced with Lambada women and Telugu Mahilas. Nagarjuna and other VIPs visited Tirumala.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X