తమ హయాంలోని ప్రభుత్వంపై కూడా విచారణ చేయాలన్న చంద్రబాబు

హైదరాబాద్: ప్రభుత్వం తెలుగుదేశం పార్టీ హయాంలో జరిగిన సెజ్‌లపై కూడా విచారణ జరిపించవచ్చునని తెలుగుదేశం పార్టీ అధ్యక్షుడు చంద్రబాబునాయుడు గురువారం అసెంబ్లీలో కోరారు. కాంగ్రెసు ప్రభుత్వం హయాంలో సెజ్‌ల పేరిట రైతుల భూములను లాక్కున్నారన్నారు. టిడిపి హయాంలో తప్పులు జరిగాయా విచారణ జరిపించి తెలుసుకోవచ్చునని చెప్పారు. ప్రభుత్వానికి జెఎల్పీ అధికారం లేదని చెప్పడం సరికాదని ఆయన అన్నారు. కాంగ్రెసు ప్రభుత్వం అన్ని రోగాలతో కుళ్లిపోయిందని మరో టిడిపి ఎమ్మెల్యే అన్నారు.

కాగా మంత్రి రఘువీరారెడ్డి వారి వ్యాఖ్యలను ఖండించారు. భూకేటాయింపుల్లో అక్రమాలు జరిగినట్లు నిరూపిస్తే ఎవ్వరినీ వదిలేది లేదన్నారు. భూకేటాయింపులపై సభలో చర్చకు ఎందుకు భయపడుతున్నారని ఆయన ప్రశ్నించారు. టీడీపీ మాత్రం జెఎల్పీ కోసం తన పట్టు వీడలేదు. భూకేటాయింపులపై సంయుక్త సభా సంఘం ఏర్పాటు చేయాలని సభలో చర్చ వద్దని డిమాండ్ చేసింది. దాంతో ఈరోజు కూడా సభా కార్యక్రమాలకు అంతరాయం ఏర్పడింది. ఉపసభాపతి నాదెండ్ల మనోహర్ సభను అరగంట పాటు వాయిదా వేశారు. మరోవైపు ఎంఐఎం సభ్యులు కూడా వక్ప్ భూముల కేటాయింపులపై సభా సంఘం వేయాలంటూ డిమాండ్ చేసింది.

English summary

TDP president Chandrababu demanded to enquiry on SEZ in the time of TDP ruling today in assembly. He demanded for JLP on land allocation. Deputy Speaker Nadendla Manohar adjourned session for half on hour.