సిఎంగా కిరణ్‌ను దించేందుకు ఏం చేయాలో చేస్తా: పెద్దిరెడ్డి

చిత్తూరు: ముఖ్యమంత్రి కిరణ్ కుమార్ రెడ్డిని సిఎం పదవి నుండి దింపేవరకు ఏం చేయాలో అది చేస్తానని మాజీ మంత్రి, మాజీ పార్లమెంటు సభ్యుడు వైయస్ జగన్మోహన్ రెడ్డి వర్గం కాంగ్రెసు శాసనసభ్యుడు పెద్దిరెడ్డి రామచంద్రారెడ్డి గురువారం విలేకరులతో అన్నారు. నేను జగన్ వర్గం నేతను కాదని అన్నారు. చిత్తూరు ఎమ్మెల్సీ ఎన్నికలలో గెలిచిన తిప్పారెడ్డి కూడా జగన్ అభ్యర్థి కాదన్నాడు. ఆయన కాంగ్రెసు అభ్యర్థే అన్నారు. కాంగ్రెసు టిక్కెట్ ఇవ్వకపోయినా ఆయన కాంగ్రెసులోనే ఉంటారని చెప్పారు. ఆయన కాంగ్రెసు అభ్యర్థి కాదని చెప్పడానికి సిఎం ఎవరు అని అన్నారు.

తిప్పారెడ్డిని గెలిపించడానికి జిల్లాలోనే కాంగ్రెసు ఎమ్మెల్యేలు సహకరించారని అన్నారు. ఏఐసిసి అధ్యక్షురాలు సోనియాగాంధీ ఫోటోకు చెప్పుల దండ వేసి, పిసిసి చీఫ్ డి శ్రీనివాస్ దిష్టిబొమ్మను తగుల బెట్టిన వ్యక్తి కాంగ్రెసు అభ్యర్థి ఎలా అవుతారని ప్రశ్నించారు. తిప్పారెడ్డి కొన్నేళ్లుగా కాంగ్రెసు బలోపేతానికి కృషి చేస్తున్నారు. చిత్తూరు ఎమ్మెల్సీ ఎన్నికలలో ముఖ్యమంత్రి, ప్రతిపక్ష నేతల అభ్యర్థులు ఓడిపోయారన్నారు. ముఖ్యమంత్రి కిరణ్ ఢిల్లీనుండి తిరిగి చిత్తూరు ఫలితాలపై స్పందించిన తర్వాతే నేను స్పందిస్తానని చెప్పారు.

English summary

Ex Minister, Ex MP YS Jaganmohan Reddy camp MLA Peddiredddy Ramachandra Reddy said today that he will try to defeat CM Kiran Kumar Reddy. He said Tippa Reddy is not Jagan's candidate, he is Congress candidate.