8వ అధ్యాయంపై విచారణ చేపట్టాలి: ఎంపీ పొన్నం ప్రభాకర్

న్యూఢిల్లీ: శ్రీకృష్ణ కమిటీ ఏ ఆధారాలతో 8వ చాప్టర్‌ను తయారు చేసిందే తెలియజేయాలని కాంగ్రెసు పార్టీ పార్లమెంటు సభ్యుడు పొన్నం ప్రభాకర్ గురువారం డిమాండ్ చేశారు. దానిపై విచారణ చెపట్టాలన్నారు. శ్రీకృష్ణ కమిటీని మేం ముందునుండి పరిగణలోకి తీసుకోవడం లేదన్నారు. శ్రీకృష్ణ కమిటీ తన 8వ అధ్యాయంలోని అంశాలను బయట పెట్టాలని డిమాండ్ చేశారు. తెలంగాణ వస్తే నక్సలిజం పెరుగుతుందని, మతోన్మాదులు రెచ్చిపోతారని కమిటీ ఎలా నిర్ధారించిందన్నారు. తెలంగాణను అడ్డుకోవడానికే కమిటీ అలాంటి నివేదికను సమర్పించిందన్నారు.

తెలంగాణ వస్తే నక్సలిజం అనేదే ఉండదన్నారు. తెలంగాణ అనేది తెలంగాణ ప్రజల ఆకాంక్ష అన్నారు. కమిటీ రహస్య నివేదిక చూసిన తర్వాత కమిటీపై ఉన్న గౌరవం కూడా పోయిందన్నారు. మీడియా గౌరవాన్ని కూడా అగౌరవపరిచారని ఆరోపించారు. కమిటీ తన నివేదికలో, రహస్య నివేదికలో కొన్ని అపోహలకు మాత్రమే తెరతీసిందన్నారు. ఇది దురదృష్టకరమన్నారు. శ్రీకృష్ణ రిపోర్టు తప్పుల తడక అన్నారు. ప్రజల మనోభావాలకు వ్యతిరేకంగా నివేదిక ఉందన్నారు. రిపోర్టుపై విచారణ చేపట్టాలని డిమాండ్ చేశారు.

English summary

Congress MP Ponnam Prabhakar demanded today that enquiry on Srikrishna committee 8th chapter. He also demanded centre to stand on december 9th statement.