విజయమ్మపై పోటీకి ఆమె సైతం: వివేకా కాదంటే సిద్ధపడిన భార్య?

కడప: వ్యవసాయ శాఖ మంత్రి వైయస్ వివేకానందరెడ్డి పులివెందుల నియోజకవర్గం నుండి పోటీ చేస్తానని ఆమోదం తెలపడంతో కాంగ్రెస్ అధిష్టానం సరేనంది. అయితే కడప పార్లమెంటుకు లేదా పులివెందుల అసెంబ్లీ నియోజకవర్గాలలో ఎక్కడినుండి పోటీ చేస్తారనే విషయంలో అధిష్టానం వివేకాకే వదిలి వేసింది. ఓ సమయంలో వివేకాను పార్లమెంటు అభ్యర్థిగా పోటీకి నిలిపి పులివెందులలో తప్పుకోనున్నట్లు కూడా వార్తలు వచ్చాయి. పులివెందులలో పోటీ తప్పుకోవడం ద్వారా వైయస్ అంటే అధిష్టానానికి అభిమానం ఉందనే సానుభూతిని కడపకు ఉపయోగించుకోవాలని చూసినట్లుగా వార్తలు వచ్చాయి.

వివేకా తన వదిన విజయమ్మపై పులివెందులను నుండి పోటీ చేస్తానని చెప్పడంతో పార్లమెంటు సభ్యత్వానికి పలువురిని పరిశీలిస్తున్నారు. అయితే పులివెందుల నుండి వివేకా పోటీ చేయకుంటే వదిలి పెట్టాలని కాంగ్రెసు భావించినప్పటికీ వివేకా సతీమణి సౌభాగ్యమ్మ మాత్రం అందుకు ససేమీరా అన్నదంట. విజయమ్మపై తన భర్త వివేకా పోటీ చేయకుంటే స్వయంగా విజయమ్మపై పోటీ చేయడానికి సిద్ధపడినట్లుగా తెలుస్తోంది. కాగా విజయమ్మపై పోటీపై ప్రశ్నించిన వారికి మరో ప్రశ్న సంధిస్తున్నారు. విజయమ్మపై పోటీ నుండి తనను తప్పుకోమని చెప్పేవారు జగన్‌పై మా కుటుంబానికి చెందిన ఆడవారు పోటీ చేస్తే తప్పుకుంటారా అని ఎదురు ప్రశ్నిస్తున్నట్టుగా తెలుస్తోంది.

English summary

Agriculture minister YS Viveka's wife soubhagyamma threatened that she would throw her hat in to the ring if her husband backed out.