వైయస్ జగన్ ప్రచారం: కాసేపు ఆగిపోయిన మంత్రి డిఎల్ కాన్వాయ్

By Srinivas

Published: Monday, April 18, 2011, 12:05 [IST]

కడప: మాజీ పార్లమెంటు సభ్యుడు, వైయస్ఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి ప్రచారం సందర్భంగా కడప జిల్లాలోని ఓ గ్రామం పరిసరాల్లో మంత్రి, కాంగ్రెసు కడప పార్లమెంటు అభ్యర్థి డిఎల్ రవీంద్రారెడ్డి, మరో మంత్రి రఘువీరారెడ్డి కాన్వాయ్ కాసేపు అగిపోయిన సంఘటన సోమవారం చోటు చేసుకుంది. వైయస్ జగన్మోహన్ రెడ్డి కడప జిల్లాలోని చింతకొమ్మదిన్నె మండలం తాటిగొట్ల గ్రామంలో ప్రచారం నిర్వహిస్తున్నారు.

ఈ సమయంలో మంత్రులు డిఎల్ రవీంద్రారెడ్డి, రఘువీరారెడ్డి కాన్వాయ్ అటుగా వచ్చింది. అయితే జగన్ అక్కడ ప్రచారం నిర్వహిస్తుండటంతో వీరి కాన్వాయ్ కాసేపు అక్కడే ఉండి పోవాల్సి వచ్చింది. ఆ తర్వాత వీరి తిరిగి తమ ప్రచారానికి బయలు దేరారు.

Published On April 18, 2011