ప్రేమ పెళ్లి ఆపడానికి హైదరాబాద్ టిటిడికి బాంబు బెదిరింపు

హైదరాబాద్: రాజధాని కేంద్రంలోని హిమయత్ నగర్‌లో ఉన్న తిరుమల తిరుపతి దేవస్థానం కళ్యాణ మండపానికి ఆదివారం గుర్తు తెలియని వ్యక్తుల నుండి బాంబు బెదిరింపు ఫోన్ వచ్చింది. దీంతో ఆ పరిసర ప్రాంతాలలో కలకలం రేగింది. అధికారులు వెంటనే అప్రమత్తమై పోలీసులకు సమాచారం అందించారు. వెంటనే వచ్చిన బాంబు స్వ్కాడ్ పోలీసులు హుటాహుటీన కళ్యాణ మండపానికి చేరుకుని ప్రజలను దూరంగా పంపించివేశారు.

బాంబుస్క్వాడ్ రంగంలోకి దిగి తనిఖీలు నిర్వహించి, దాన్ని బెదిరింపు కాల్‌గా నిర్థారించింది. పోలీసులు ఫోన్‌కాల్‌ను ట్రేస్‌ చేసేందుకు ప్రయత్నాలు చేశారు. అయితే అదో ఉత్తుత్తి కాల్‌గానే తేలడంతో ఎక్కడనుండి ఎందుకు వచ్చిందనే విషయంపై దృష్టి సారించారు. టిటిడి కళ్యాణ మండపంలో జరగనున్న ఓ ప్రేమ పెళ్లిని ఆపడానికే కొందరు ఉద్దేశ్యపూర్వకంగా ఫోన్ చేసినట్టుగా అనుమానం వ్యక్తం చేశారు.

English summary

Hyderabad TTD received a threat call from unknown persons today. Bomb Squad suspected that call is trash.