తెలంగాణ కాంగ్రెసుకు కోదండరామ్ డైరెక్షన్

హైదరాబాద్: తెలంగాణ ప్రాంత ప్రజాప్రతినిధులకు తెలంగాణ ఐక్య కార్యాచరణ సమితి డైరెక్షన్ ఇస్తున్నట్లుగా తెలుస్తోంది. బుధవారం జెఏసి చైర్మన్ కోదండరాం విలేకరులతో మాట్లాడారు. తెలంగాణ వచ్చే దాకా టి-కాంగ్రెసు రాజీనామాలపై వెనక్కి తగ్గవద్దని సూచించారు. తెలంగాణ ప్రకటనపై అధిష్టానానికి ప్రజాప్రతినిధులు డెడ్ లైన్ విధించాలన్నారు. డెడ్ లైన్ లోగా సమస్యను పరిష్కరించకుంటే రాజీనామాలు ఆమోదించాలని డిమాండ్ చేయాలని సూచించారు.

తెలంగాణ అంశంపై కేంద్ర మంత్రులు గులాం నబీ ఆజాద్, చిదంబరం రోజుకో మాట మాట్లాడుతున్నారని ఆరోపించారు. వారి మాటలు చూస్తుంటే అనుమానం వ్యక్తమవుతుందని అన్నారు. టి-కాంగ్రెసు నేతలు ప్రత్యేక తెలంగాణకు తప్ప మరే ప్రతిపాదనకు ఒప్పుకోవద్దన్నారు. రాష్ట్ర ప్రభుత్వం బెదిరింపులతో ఉద్యోగుల సమ్మెను ఆపాలని చూస్తుందని అన్నారు. బెదిరింపులకు లొంగేది లేదన్నారు. అధిష్టానం వైఖరి చూస్తుంటే ఇరు ప్రాంతాల మధ్య వైషమ్యాలను పెంచే విధంగా కనిపిస్తోందన్నారు.

English summary

TJAC chairman Kodandaram gave directions to Telangana Congress leaders to fight with high command.