ఆరో గది తెరిచే నిర్ణయం కమిటీదే: సుప్రీం కోర్టు

By Srinivas

Published: Thursday, July 21, 2011, 11:33 [IST]

న్యూఢిల్లీ: కేరళలోని తిరువనంతపురం అనంత పద్మనాభ స్వామి ఆలయంలో దొరికిన సంపదపై దేశ అత్యున్నత న్యాయస్థానం సుప్రీం కోర్టు గురువారం మధ్యంతర ఉత్తర్వులను బుధవారం ఉదయం జారీ చేసింది. పద్మనాభ స్వామి ఆలయంలో దొరికిన భారీ సంపదను లెక్కించేందుకు ఐదుగురు సభ్యులతో కూడిన ఓ కమిటీ వేయాలని నిర్ణయించింది. పద్మనాభ స్వామి ఆలయ సంపద ఆలయ లెక్కింపు కమిటీ చైర్మన్‌గా జాతీయ వస్తు ప్రదర్శనశాల డైరెక్టర్ పివి ఆనంద్‌ను నియమించింది. కమిటీపై కేరళ రాష్ట్రానికి ఆదేశాలు జారీ చేసింది.

కమిటీ నాలుగు వారాల్లో నివేదిక ఇవ్వాలని ఆదేశాలు జారీ చేసింది. నేలమాళిగలోని ఐదు గదులను తెరిచిన నేపథ్యంలో ఆరోగదిని తెరిచే బాధ్యతను కమిటీపై పెట్టింది. ఆరో గదిని తెలవటంపై కమిటీదే తుది నిర్ణయం అని చెప్పింది. ఆరో గది తెరిచే విషయంలో నివేదిక సమర్పించాలని కమిటీకి సూచించింది. కాగా కేరళలోని పద్మనాభ స్వామి ఆలయంలో అనంత సంపద ఉన్న విషయం తెలిసిందే.

Published On July 21, 2011