గోదావరిలో నిలిచిన బోటు, ప్రయాణీకుల ఆందోళన

రాజమండ్రి: నీటి మట్టం తక్కువగా ఉండి ఇసుక తిన్నెలు అడ్డు రావడంతో గోదావరి జిల్లాలో ఓ బోటు గోదావరి నది మధ్యలో నిలిచి పోయింది. సుమారు 45 మంది ప్రయాణీకులు పట్టిసీమ నుండి పాపికొండలను చూడటానికి భగీరథ బోటులో వెళుతున్నారు. అయితే రామాయంపేట సమీపంలోని దేవీపట్నం మండలం అంగళూరు వద్ద ఇసుక తిన్నల కారణంగా ఆగిపోయింది.

బోటుల గోదావరి మధ్యలో చిక్కుకు పోవడంతో వారు తీవ్ర భయాందోళనకు గురవుతున్నారు. వారి బంధువులు ఆందోళన చెందుతున్నారు. పాపికొండలు చూడటానికి ఆదివారం ఉదయం ఈ బోటు బయలు దేరింది. అధికారులు రక్షణ చర్యలు చేపట్టారు. అంగళూరు వద్దకు వచ్చే వరకు నీటి మట్టం తక్కువగా ఉండటంతో బోటును ఆపారు.