కిరణ్ క్యాబినెట్ మీట్ ప్లాన్, టి - మంత్రులకు గాలం

హైదరాబాద్: తెలంగాణ మంత్రులు రాజీనామాలు చేసిన నేపథ్యంలో మంత్రి వర్గ సమావేశానికి ముఖ్యమంత్రి కిరణ్ కుమార్ రెడ్డి కొత్త పథకం వేశారు. ఈ నెల 16వ తేదీన ఆయన మంత్రివర్గ సమావేశం ఏర్పాటు చేశారు. ఈ సమావేశానికి తెలంగాణ మంత్రులను రప్పించేందుకు తగిన వ్యూహాన్ని ఆయన రచించారు. సమావేశాన్ని సచివాలయంలో కాకుండా తన క్యాంపు కార్యాలయంలో నిర్వహించాలని నిర్ణయించారు. సచివాలయంలో సమావేశానికి తాము రాబోమని తెలంగాణ మంత్రులు చెప్పడంతో ఆయన ఆ నిర్ణయం తీసుకున్నట్లు తెలుస్తోంది.

క్యాంపు కార్యాలయంలో ఏర్పాటు చేస్తే మంత్రివర్గ సమావేశానికి వస్తామని తెలంగాణ మంత్రులు చెప్పినట్లు సమాచారం. మంత్రివర్గం ఆమోదం లేకుండానే తాను కీలకమైన నిర్ణయాలు తీసుకుంటున్నట్లు విమర్శలు వస్తున్న నేపథ్యంలో ఆయన ఈ సమావేశం నిర్వహిస్తున్నట్లు తెలుస్తోంది. ఈ నెల 15వ తేదీన స్వాతంత్ర్య దినోత్సవాలను బహిష్కరించే విషయంలో కూడా కొంత మంది తెలంగాణ మంత్రులు డైలమాలో పడినట్లు చెబుతున్నారు.

English summary

CM Kirankuamr Reddy is following new method to convince Telangana minister for cabinet meeting.