పద్మనాభస్వామి ఆరోగదిపై దేవప్రశ్నంలో హెచ్చరిక

By Pratap

Published: Friday, August 12, 2011, 8:45 [IST]

తిరువనంతపురం: తిరువనంతపురంలో అనంత పద్మనాభస్వామి ఆరో గది తెరిస్తే అరిష్టమేనని దేవప్రశ్నంలో జ్యోతిష్కులు హెచ్చరిస్తున్నారు. దీంతో ఆరో గది తెరవడంపై సస్పెన్స్ కొనసాగుతోంది. ఆలయంలో కొద్ది రోజులుగా దేవప్రశ్నం నిర్వహిస్తున్నారు. ఆరో నేలమాళిగను తెరవడానికి ప్రయత్నించేవారికి, వారి కుటుంబ సభ్యులకు విపత్కర పరిణామాలు ఎదురవుతాయని జ్యోతిష్కులు హెచ్చరించారు.

ఆరో మాళిగను తెరవడమనేది ఆలయ పవిత్రతను కూడా దెబ్బ తీస్తుందని వాదిస్తున్నారు. సుప్రీంకోర్టు ఆదేశాల మేరకు ఇప్పటి వరకు తెరిచిన నేలమాళిగల్లో అపారమైన సంపాద బయటపడింది. ఈ నేపథ్యంలో ఆరో నేలమాళిగలో మరింత సంపద వెలుగు చూడవచ్చునని అంటున్నారు. ఈ నేలమాళిగపై సుప్రీంకోర్టు నిర్ణయం తీసుకోవాల్సి ఉంది. ఈ నేపథ్యంలో పూజారులు దేవప్రశ్నం నిర్వహించారు.

Published On August 12, 2011