అంబటి రాసలీలల కథనం కొత్త మలుపు

హైదరాబాద్: వైయస్సార్సీ పార్టీ అధికార ప్రతినిధి అంబటి రాంబాబు రాసలీలల అంశం కొత్త మలుపు తిరిగింది. శుక్రవారం ఎబిఎన్-ఆంధ్రజ్యోతి ఛానల్‌లో అంబటి రాంబాబు రాసలీలలపై కథనం వచ్చిన విషయం తెలిసిందే. అయితే ఆ ఛానల్‌లో వచ్చి కథనాన్ని మంజు అనే అమ్మాయి ఖండించారు. ఎబిఎన్-ఆంధ్రజ్యోతి మేనేజింగ్ డైరెక్టర్ వేమూరి రాధాకృష్ణ తనపై ఒత్తిడి తీసుకు వచ్చి అంబటితో తప్పుడుగా మాట్లాడించారని ఆమె వైయస్సార్సీ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డికి చెందిన సాక్షి ఛానల్ ముందుకు వచ్చి చెప్పారు.

అంబటితో తాను ఎన్నడూ మాట్లాడలదేన్నారు. స్వార్థం కోసమే ఆ ఛానల్ తనను వాడుకుందన్నారు. తనను చూపించలేని విధంగా చూపించారని ఆవేదన వ్యక్తం చేశారు. తాను అంబటితో అంతకుముందు ఎన్నడూ మాట్లాడింది లేదన్నారు. కేవలం అంబటి రాంబాబును రాజకీయంగా దెబ్బతీయడానికే ఇలాంటి కుట్ర పన్నారన్నారు. అంబటినితాను ఎన్నడూ చూడలేదన్నారు.

తాను చిరంజీవి అభిమానినని, ప్రజారాజ్యం పార్టీ కార్యకర్తగా పని చేశానన్నారు. పిఆర్పీ కార్యకర్తగా ఉన్న సమయంలో ఆ ఛానల్ చిరుకు వ్యతిరేకంగా ప్రసారం చేసినప్పుడు మహిళలతో వెళ్లి గట్టిగా నిరసన తెలిపానన్నారు. ఆనాటి ఘటనను దృష్టిలో పెట్టుకొని ఆ ఛానల్ ఆ తర్వాత తనను బ్లాక్ మెయిల్ చేసిందని ఆరోపించారు. ఆ ఛానల్‌పై తన నిరసనను దృష్టిలో పెట్టుకొని ఇంటర్నెట్‌లో తన ఫోటోలు పెడతానని బెదిరించారని ఆరోపించారు. తనను, తన కుటుంబాన్ని బెదిరింపులకు కూడా గురి చేశారన్నారు. వారి ఒత్తిడి కారణంగానే అంబటితో నేను తప్పుడుగా మాట్లాడానన్నారు. దయచేసి ఈ వాస్తవాన్ని మీడియా ప్రజలకు వెల్లడించాలని కోరారు.

English summary

One young girl come out for YSRC Party spokes person Ambati Rambabu rasaleelalu issue. She blamed ABN Andhra Jyothy MD Vemuri Radhakrishna.