ప్రిన్స్ మహేష్ హల్‌చల్, ఫ్యాన్స్ తెలంగాణ నినాదాలు

హైదరాబాద్: దూకుడు సినిమా విడుదల సందర్భంగా ప్రిన్స్ మహేష్ బాబు భార్య నమ్రతా శిరోద్కర్‌తో కలిసి హైదరాబాదులోని ఆర్టీసి క్రాస్ రోడ్స్‌లో శుక్రవారం హల్‌చల్ చేశారు. తెలంగాణ నినాదాలతో మహేష్‌ బాబుకు అభిమానులు స్వాగతం చెప్పారు. 14 రీల్స్ ఎంటర్‌టైన్‌మెంట్ బ్యానర్‌పై జి. రమేష్‌బాబు సమర్పణలో రామ్ ఆచంట, గోపిచంద్ ఆచంట, అనీల్ సుంకరలు శ్రీను వైట్ల దర్శకత్వంలో నిర్మించిన దూకుడు సినిమా శుక్రవారం ఆర్టీసీక్రాస్‌రోడ్స్‌లోని సుదర్శన్35 ఎంఎం థియేటర్‌లో విడుదలైంది.

తన సతీమణి నమ్రతా శిరోద్కర్‌తో కలిసి మహేష్ బాబు మార్నింగ్‌షో సినిమాను వీక్షించారు. తొలుత నమ్రతా శిరోద్కర్ వచ్చాక కొద్దిసేపటికి హీరో మహేష్ కూడా వచ్చారు. ఆయన బాబాయ్ జి. ఆదిశేషగిరిరావు కూడా మార్నింగ్‌షో సినిమాను చూశారు. హీరో మహేష్ థియేటర్‌కు రాగానే జై మహేష్‌బాబు జై తెలంగాణ నినాదాలతో ప్రేక్షకులు, తెలంగాణవాదులు నినాదాలు ఇస్తూ స్వాగతం చెప్పారు. మార్నింగ్ షో సినిమాను మొత్తం వీక్షించిన ఆయన ప్రేక్షకులకు అభివాదం చేస్తూ వెళ్లిపోయారు.

English summary

Prince Mahesh Babu with his wife Namratha Shirodkar has seen Dookudu film at RTC X roads of Hyderabad.