చంద్రబాబు ట్రాప్‌లో కెసిఆర్ పడ్డారు: జగన్ పార్టీ నేత

హైదరాబాద్: తెలుగుదేశం పార్టీ అధ్యక్షుడు, మాజీ ముఖ్యమంత్రి నారా చంద్రబాబు నాయుడు ట్రాప్‌లో తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావు పడ్డారని వైయస్సార్ కాంగ్రెసు పార్టీ అధికార ప్రతినిధి రెహ్మాన్ శనివారం అభిప్రాయపడ్డారు. తెలంగాణ ఉద్యమాన్ని పక్కదారి పట్టించేందుకు చంద్రబాబు వేసిన ట్రాప్‌లో కెసిఆర్ చిక్కుకు పోయారన్నారు. వారు ప్రస్తుతం ఎవరి వద్ద ఎంత ఆస్తి ఉందనే అంశంపై చర్చించుకుంటున్నారన్నారు. తమ తమ ఆస్తుల గురించి కాకుండా సకల జనుల సమ్మెలో పాల్గొన్న తెలంగాణ ప్రాంత ఉద్యోగులు, రైతులు, విద్యార్థులు చేసిన త్యాగాలపై వారు చర్చించుకుంటే బాగుంటుందని సూచించారు.

కాగా గత వారం రోజులుగా పోలవరం టెండర్ల విషయంలో తెలుగుదేశం, తెలంగాణ రాష్ట్ర సమితి పార్టీలు తీవ్రమైన ఆరోపణలు చేసుకుంటున్న విషయం తెలిసిందే. పోలవరం టెండర్లు టిఆర్ఎస్ పార్టీకి చెందిన నమస్తే తెలంగాణ పత్రిక ఎండి రాజాం పెట్టుబడులు పెట్టిన ష్యూ కంపెనీకి దక్కాయని టిడిపి ఆరోపణలు చేయడం వారి ఆరోపణలపై టిఆర్ఎస్ మండిపడుతున్న విషయం తెలిసిందే.

English summary

YSRC Party spokes person Rehman said today that TRS chief K Chandrasekhar Rao felt in TDP chief Nara Chandrababu Naidu trap.