నా ఏరియాకొస్తే తరిమి కొడతా: ఎమ్మెల్యే చింతమనేని

ఏలూరు: తన ఏరియాలోకి వచ్చి పిచ్చి పిచ్చి వేషాలు వేస్తే తరిమి తరిమి కొడతానని ఎమ్మెల్యే చింతమనేని ప్రభాకర్ ఆదివారం కాంగ్రెసు నేతలను హెచ్చరించారు. ఆయన స్థానిక పార్లమెంటు సభ్యుడు కావూరి సాంబశివ రావు, మంత్రి వట్టి వసంత్ కుమార్‌లపై తీవ్రస్థాయిలో విరుచుకు పడ్డారు. మొబిలైజేషన్ అడ్వాన్సుల పేరుతో కావూరి రూ.14 కోట్లు దోచుకున్నారని విమర్శించారు. జిల్లా పోలీసులు మంత్రి వట్టికి తొత్తులుగా మారారని విమర్శించారు. వారు రాజీనామాలు చేసి వస్తే బహిరంగ చర్చకు సిద్ధమని సవాల్ విసిరారు. తనపై రౌడీషీట్ తెరిచేకా ఎమ్మెల్యేనయ్యానని పిచ్చి పిచ్చి వేషాలేస్తే తరిమి కొడతానన్నారు.

కాగా చింతమనేని వర్గం ఏలూరులో మంత్రి వట్టికి వ్యతిరేకంగా రాస్తారోకో నిర్వహించారు. తమ ఎమ్మెల్యేపై చేయి చేసుకున్న మంత్రి వెంటనే క్షమాపణలు చెప్పాలని డిమాండ్ చేశారు. వట్టిపై వెంటనే పోలీసు కేసు నమోదుచేయాలని లేదంటే పరిస్థితులు తీవ్రంగా ఉంటాయని హెచ్చరించారు. చింతమనేని వర్గం ఆందోళనతో రోడ్డుపై భారీగా వాహనాలు నిలిచి పోయాయి.

English summary

MLA chintamaneni prabhakar warned Minister Vatti Vasanth Kumar today. He demanded him for resign. He also lashes out at MP Kavuri Sambasiva Rao.