బాబు! కాపలా కుక్కలను కంట్రోల్లో పెట్టుకో: టిఆర్ఎస్

By Srinivas

Published: Wednesday, December 28, 2011, 12:36 [IST]

హైదరాబాద్: తెలుగుదేశం పార్టీ అధినేత నారా చంద్రబాబు నాయుడు తన కాపలా కుక్కలను కంట్రోల్‌లో పెట్టుకోవాలని టిఆర్ఎస్ నేత, మాజీ మంత్రి చంద్రశేఖర్ బుధవారం హెచ్చరించారు. టిఆర్ఎస్ భవనంలో ఏర్పాటు చేసిన మీడియా సమావేశంలో ఆయన మాట్లాడారు. టిడిపికి సిగ్గు, శరం ఉంటే తెలంగాణపై స్పష్టమైన నిర్ణయం చెప్పాలన్నారు. తెలంగాణపై అధికార పక్షం బాధ్యత ఎంత ఉందో ప్రతిపక్షం బాధ్యత కూడా అంతే ఉంటుందన్నారు. బాబు తన యాత్రలో తెలంగాణపై మాట్లాడకుండా గూండాలను పెట్టుకొని తిరుగుతున్నారని అది సరికాదన్నారు.

రెండు కళ్ల సిద్ధాంతం ప్రవచిస్తున్న చంద్రబాబును తెలంగాణ నేతలు ఇప్పటికైనా విడిచి పెట్టాలన్నారు. మోత్కుపల్లి, ఎర్రబెల్లి వంటి నేతలు ఏం మాట్లాడుతున్నారో ఎవరికీ అర్థం కావడం లేదన్నారు. శ్రీకాంతచారి తల్లి గడ్డి పెట్టినా వారికి బుద్ధి రావడం లేదన్నారు. బాబు తన కాపలా కుక్కలను కంట్రోల్‌లో పెట్టాలన్నారు. తెలంగాణలోని ఆత్మహత్యలకు టిడిపియే కారణమన్నారు. వారిని చరిత్ర క్షమించదని ధ్వజమెత్తారు. తన హయాంలో రైతుల గురించి పట్టించుకోని బాబుకు రైతుల గురించి మాట్లాడే హక్కు లేదన్నారు. బాబు పాదయాత్ర కాదు కదా మోకాళ్ల యాత్ర చేసినా డిపాజిట్లు రావన్నారు. చంద్రదండుకు వ్యతిరేకంగా తెలంగాణ దండు ఉందన్నారు.

Published On December 28, 2011