జగన్ ఓ పిచ్చోడు, నమ్మే పరిస్థితి లేదు: పాల్వాయి

హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి ఓ పిచ్చోడు అని కాంగ్రెసు పార్టీ సీనియర్ నేత పాల్వాయి గోవర్ధన్ రెడ్డి సోమవారం మండి పడ్డారు. ఆయన పిచ్చోడు అని, కాంగ్రెసు పార్టీ పైన, కాంగ్రెసు ప్రభుత్వం పైన ఆయన దుష్ప్రచారం చేస్తున్నారని అన్నారు. ఆయనను ప్రజలు ఇప్పుడు నమ్మే పరిస్థితి ఏమాత్రం లేదన్నారు. అయితే ఆయన కాంగ్రెసు ప్రభుత్వంపై చేస్తున్న దుష్ప్రచారాన్ని తిప్పి కొట్టడంలో మాత్రం పార్టీ విఫలమైందని ఆయన అన్నారు. ఇటీవల జగన్ పైన కాంగ్రెసు పార్టీ నేతల విమర్శల జోరు తగ్గిన విషయం తెలిసిందే.

కాగా జగన్ తన ఓదార్పు యాత్రలో మళ్లీ కాంగ్రెసును లక్ష్యంగా చేసుకొని మాట్లాడుతున్నారు. ఇటీవల గుంటూరులో కాంగ్రెసు పెద్దలు, టిడిపి కలిసి తనపై కుట్ర పన్నుతున్నాయని అన్నారు. సోమవారం వైయస్సార్ కాంగ్రెసు పార్టీ అధ్యక్షురాలు, పులివెందుల శాసనసభ్యురాలు వైయస్ విజయమ్మ ప్రధానమంత్రి మన్మోహన్ సింగ్‌కు లేఖ రాసింది. జగన్‌పై కక్షతో, ఆయనను లక్ష్యంగా చేసుకొని సిబిఐ దర్యాఫ్తు జరుగుతోందని ఆమె అందులో పేర్కొంది.

English summary

Congress senior leader Palvai Govardhan Reddy blamed YSR Congress Party chief YS Jaganmohan Reddy for his comments against Congress.