హైదరాబాద్ వార్తల కోసం
నోటిఫికేషన్స్ పై క్లిక్ చేయండి  
Oneindia App Download

కోవూరులో రెండు విడతలు చిరంజీవి ప్రచారం

By Pratap
|
Google Oneindia TeluguNews

Chiranjeevi
హైదరాబాద్: మెగాస్టార్ చిరంజీవి రెండు విడతలు కాంగ్రెసు పార్టీ అభ్యర్థి కోసం నెల్లూరు జిల్లా కోవూరు నియోజకవర్గంలో ప్రచారం చేస్తారు. ఈ నెల 11, 15 తేదీల్లో చిరంజీవి కోవూరులో ప్రచారం సాగిస్తారని పిసిసి అధ్యక్షుడు బొత్స సత్యనారాయణ సోమవారం మీడియా ప్రతినిధుల సమావేశంలో చెప్పారు. 15న చిరంజీవితో పాటు తాను కూడా కోవూరులో ప్రచారంలో పాల్గొంటానని ఆయన చెప్పారు. ఏడు నియోజకవర్గాల్లో స్థానిక మంత్రులే ప్రచారాన్ని పర్యవేక్షిస్తారని ఆయన చెప్పారు. తెలంగాణలో తాను, ముఖ్యమంత్రి కిరణ్ కుమార్ రెడ్డి ప్రచారం చేస్తామని, డిప్యూటి ముఖ్యమంత్రి దామోదర రాజనర్సింహ పర్యటన కూడా ఖరారవుతుందని ఆయన చెప్పారు.

ముఖ్యమంత్రి ఈ నెల 9వ తేదీన కోవూరులో ప్రచారం చేస్తారని ఆయన చెప్పారు. తాను 11, 12 తేదీల్లో మహబూబ్‌నగర్ జిల్లాలో ప్రచారం చేస్తానని ఆయన చెప్పారు. ఆర్టీసిని ప్రైవేటీకరిస్తానని తాను చెప్పలేదని, సంస్థను బలోపేతం చేయడం, ప్రజలకు తగిన రవాణా సౌకర్యాలు కల్పించడం తమ లక్ష్యమని ఆయన అన్నారు. మద్యం వ్యాపారంలో తన బంధువులున్నారనే విషయాన్ని తాను ఇది వరకే చెప్పానని ఆయన అన్నారు. మద్యం సిండికేట్లకు సంబంధించినవారు తన వద్ద లేరని ఆయన స్పష్టం చేశారు. మద్యం సిండికేట్లపై దర్యాప్తు సాగుతోందని, ఈ సమయంలో తాను ఎక్కువగా మాట్లాడడం సమంజసం కాదని ఆయన అన్నారు. జూన్‌లో మద్యం దుకాణాల వేలాలు జరుగుతాయని, అప్పుడు మద్యం వ్యాపారంతో తన బంధువులకు సంబంధం లేకుండా చూసుకుంటానని ఆయన చెప్పారు. విజయనగరంలోని తన ఇంటి వద్ద తెలుగుదేశం కార్యకర్తలు ధర్నా చేయడం సరి కాదని ఆయన అన్నారు.

English summary
Megastar Chiranjeevi will campaign in Kovvur on March 11 and 15.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X