బడ్జెట్ 2012 - 13: ప్రైవేట్ భాగస్వామ్యంపై దృష్టి
ఆర్థిక పునరుజ్జీవనానికి ఐదు సూత్రాల పథకం ప్రవేశపెడుతున్నట్లు ఆయన తెలిపారు. సంస్కరణలను వేగవంతం చేయాల్సిన అవసరం ఉందని ఆయన అన్నారు. తయారీరంగం పురోగతి సాధిస్తోందని ఆయన చెప్పారు. 2011లో ద్రవ్యోల్బణ సమస్య తీవ్రంగా ఉందని ఆయన చెప్పారు. పారిశ్రామిక వృద్ధిరేటు మందగించడం వల్ల వృద్ధిరేటు తగ్గిందని ఆయన అన్నారు. ప్రజాజీవితంలో అవినీతికి, నల్లధనానికి చోటు లేకుండా చేయాల్సిన అవసరం ఉందని ఆయన అన్నారు. ఆహార ద్రవ్యోల్బణ నియంత్రణలో రాష్ట్రాల సహకారం గణనీయంగా ఉందని ఆయన చెప్పారు.
ఎగుమతులకు కొత్త మార్కెట్లనను అన్వేషించడంలో ఫలితం సాధించడం వల్ల సంక్షోభం నుంచి బయటపడినట్లు ఆయన చెప్పారు. ఎగుమతులు, దిగుమతుల విస్తరణలో ప్రగతి సాధించినట్లు తెలిపారు. 2011 - 12లో ముడిచమురు ధరల ప్రభావం తీవ్రంగా ఉందని ఆయన చెప్పారు. ఆసియా దేశాలకు ఎగుమతులు 33 శాతం నుంచి 50 శాతానికి పెరిగినట్లు ఆయన తెలిపారు. 2012 - 13లో వృద్ధిరేటు 7.6 శాతం ఉంటుందని ఆయన అంచనా వేశారు.